تٷركٸستان وبلىسىنىڭ پوليتسەيلەرٸ جوعالعان 3 جاسار بالانى تاۋىپ, اناسىمەن قاۋىشتىردى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنە سٸلتەمە جاساپ.
قازىعۇرت اۋداندىق پوليتسييا بٶلٸمٸنە جەرگٸلٸكتٸ تۇرعىن ارىزدانىپ, 3 جاسار ۇلىنىڭ جوعالىپ كەتكەنٸن ايتقان.
سودان سوڭ تەرتٸپ ساقشىلارى حابار جەتٸسٸمەن جولعا شىعىپ, وقيعا ورنىنا كەلدٸ.
بالانىڭ اناسىنان بارلىق مەن-جايدى سۇراپ, بارۋى مٷمكٸن دەگەن ايماقتاردىڭ بارلىعىن تەكسەردٸ.
تۋعان-تۋىس, كٶرشٸلەرٸنٸڭ ٷيٸنە بارىپ, جان-جاقتى ٸزدەستٸرۋ جۇمىستارىن جٷرگٸزدٸ.
نەتيجەسٸندە تۇرعىلىقتى ٷيٸنەن بٸر كٶشە بەرٸدەن جوعالعان بٷلدٸرشٸندٸ تاۋىپ, اناسىنا امان-ەسەن تابىستادى.
بەلگٸلٸ بولعانداي اناسى ٷلكەن قىزى مەن 3 جاسار ۇلىن ٷيٸنە قالدىرىپ, بازارعا شىعىپ كەتكەن. ارادا بٸرەر ساعات ٶتكەن سوڭ ٷيٸنە كەلگەندە ۇلىنىڭ جوقتىعىن كٶرگەن.
وسىلايشا ونى ٶز بەتٸنشە ٸزدەگەن. الايدا ەش نەتيجە شىقپاعان سوڭ تەرتٸپ ساقشىلارىنا حابار بەرگەن. ال پوليتسييا قىزمەتكەرلەرٸ از ۋاقىتتىڭ ٸشٸندە جوعالعان بالانى تاپتى.
«بازارعا ازىق-تٷلٸك الۋعا شىعىپ كەتكەن بولاتىنمىن. ۇلىمدى قىزىممەن بٸرگە قالدىرعان ەدٸم. بازاردان كەلسەم بالام ٷيدەن شىعىپ كەتٸپتٸ. ٶزٸم ٸزدەپ تاپپاي, پوليتسييا قىزمەتكەرلەرٸنە حابارلاستىم. ولار بٸردەن تاۋىپ بەردٸ. تەرتٸپ ساقشىلارىنا ٷلكەن راقمەت!» - دەپ, انالىق العىسىن جاۋدىردى.
تٷركٸستان وبلىسىنىڭ پوليتسەيلەرٸ تۇرعىندارعا بالالارىن قاراۋسىز قالدىرماۋ كەرەكتٸگٸن ەسكەرتەدٸ.
