- «Kazsport» قازاقستاندىق تەلەارناسى اتاقتى بوكسشى, ورتا سالماقتاعى WBA(Super), IBO, WBC جەنە IBF نۇسقالارى بويىنشا ەلەم چەمپيونى گەنناديي گولوۆكين (35-0, 32 كو) مەن IBF نۇسقاسىنداعى تيتۋل يەگەرٸ بريتاندىق كەلل برۋك (36-0, 25 كو) اراسىنداعى جەكپە-جەكتٸ تٸكەلەي ەفيردە كٶرسەتەتٸن بولادى.
بۇل تۋرالى «GGG» توبىنىڭ ينستاگرام ەلەۋمەتتٸك جەلٸسٸندە حابارلاندى.
«انگلييانىڭ «و2» ارەناسىندا 10 قىركٷيەكتە ٶزٸمنٸڭ العاشقى ٷلكەن ايقاسىمدى ٶتكٸزۋگە دايىندالۋ ٷستٸندەمٸن. جەكپە-جەك تٸكەلەي ەفيردە «HBO Boxing», «Skysports» جەنە «Kazsport» ارنالارىندا كٶرسەتٸلەتٸن بولادى», - دەپ جازادى ەلەۋمەتتٸك جەلٸدە گ.گولوۆكين.
ەسكە سالا كەتەيٸك, گەنناديي گولوۆكين مەن بريتاندىق بوكسشى كەلل برۋك اراسىنداعى ايقاس 10 قىركٷيەكتە لوندون قالاسىنداعى 20 مىڭ ادامعا ارنالعان «O2» ارەناسىندا ٶتەدٸ. شارشى الاڭداعى شەبەرلەر ٶنەرٸن بٷكٸل ەلەمدەگٸ ميلليونداعان «GGG» جانكٷيەرلەرٸ تاعاتسىزدانا كٷتٸپ وتىرعانىن ەسكە سالعىمىز كەلەدٸ. ايتا كەتەرلٸگٸ, لوندوندا ٶتەتٸن گولوۆكيننىڭ كەزەكتٸ جەكپە-جەگٸنە بيلەتتەر ەپ-سەتتە ساتىلىپ كەتكەن. ال جەرلەسٸمٸز گەنناديي ٶزٸنٸڭ وسىناۋ كەزدەسۋٸن كەلٸپ تاماشالاۋ ٷشٸن قر پرەمەر-مينيسترٸ كەرٸم مەسٸموۆتىڭ اتىنا ارنايى شاقىرتۋ حاتىن دا جولداعان بولاتىن.
قازاقپارات
