- «Kazsport» qazaqstandyq telearnasy ataqty boksshy, orta salmaqtaǵy WBA(Super), IBO, WBC jáne IBF nusqalary boiynsha álem chempiony Gennadii Golovkin (35-0, 32 KO) men IBF nusqasyndaǵy titýl iegeri britandyq Kell Brýk (36-0, 25 KO) arasyndaǵy jekpe-jekti tikelei efirde kórsetetin bolady.
Bul týraly «GGG» tobynyń Instagram áleýmettik jelisinde habarlandy.
«Angliianyń «O2» arenasynda 10 qyrkúiekte ózimniń alǵashqy úlken aiqasymdy ótkizýge daiyndalý ústindemin. Jekpe-jek tikelei efirde «HBO Boxing», «Skysports» jáne «Kazsport» arnalarynda kórsetiletin bolady», - dep jazady áleýmettik jelide G.Golovkin.
Eske sala keteiik, Gennadii Golovkin men britandyq boksshy Kell Brýk arasyndaǵy aiqas 10 qyrkúiekte London qalasyndaǵy 20 myń adamǵa arnalǵan «O2» arenasynda ótedi. Sharshy alańdaǵy sheberler ónerin búkil álemdegi milliondaǵan «GGG» jankúierleri taǵatsyzdana kútip otyrǵanyn eske salǵymyz keledi. Aita keterligi, Londonda ótetin Golovkinnyń kezekti jekpe-jegine biletter áp-sátte satylyp ketken. Al jerlesimiz Gennadii óziniń osynaý kezdesýin kelip tamashalaý úshin QR Premer-Ministri Kárim Másimovtyń atyna arnaiy shaqyrtý hatyn da joldaǵan bolatyn.
QazAqparat
