«قازپوشتا» اق جۇمىسقا قابىلداۋ مەن مەملەكەتتٸك ساتىپ الۋ جۇمىستارىن اۆتوماتتاندىرادى, دەپ حابارلايدى "ۇلت اقپارات".
بۇل تۋرالى «قازپوشتا» اق باسقارما تٶراعاسى سەكەن سەرسەنوۆ فەيسبۋكتەگٸ «Antikor Life» سۇحباتىندا ايتىپ بەردٸ.
«بٸرنەشە جىل بۇرىن «قازپوشتادا» عانا ەمەس, بٸرنەشە ۇيىمداردا جۇمىسقا ورنالاسۋ بويىنشا قيىندىقتار كەزدەسەتٸن. ەندٸ جۇمىسقا قابىلداۋ اۆتوماتتاندىرىلعان پروتسەستە ٶتەدٸ جەنە «ورتاڭعى بۋىن» ەش شەشٸمگە ىقپال ەتە المايدى. بۇل – بٸرٸنشٸ مٸندەت. ەكٸنشٸدەن, مەملەكەتتٸك ساتىپ الۋ جٷيەسٸ دە ەلەكتروندى جٷيەگە اۋىستىرىلادى. بارلىق ماقۇلداۋ جەنە شەشٸم شىعارۋ پروتسەستەرٸ اۆتوماتتاندىرىلادى جەنە بۇل پروتسەستٸ جىلدان-جىلعا جاقسارتىپ كەلەمٸز», - دەدٸ س. سەرسەنوۆ.
«قازپوشتا» باسشىسى بٸرنەشە جىل بۇرىن شالعاي اۋىلداردا پوشتا قىزمەتكەرلەرٸنٸڭ زەينەتاقىنى تۇرعىندارعا تولىق تاراتپاعانى تۋرالى وقيعا بولعانىن اتاپ ٶتتٸ. بۇل مەسەلە دە اۆتوماتتاندىرۋ جولىمەن شەشٸلمەك. سوڭعى جىلدارى زەينەتكەرلەردٸڭ باسىم بٶلٸگٸ بانك كارتالارى ارقىلى تٶلەماقى الاتىن بولدى. ەندٸ شامامەن 500 مىڭ زەينەتكەر عانا زەينەتاقىنى قولما-قول الىپ كەلەدٸ. مۇندا دا ەدٸلەتسٸزدٸككە جول بەرمەۋ ٷشٸن پوشتا قىزمەتكەرٸنە ارنايى قوسىمشاسى بار ۇيالى تەلەفون بەرٸلدٸ. پوشتا قىزمەتكەرٸ تاراتقان زەينەتاقى كٶلەمٸن سول قوسىمشادا كٶرسەتٸپ وتىرۋى تيٸس. ەزٸرگە زەينەتكەرلەر تاراپىنان ەش شاعىم تٷسپەدٸ.
ايتا كەتەيٸك, قر سىبايلاس جەمقورلىققا قارسى ٸس-قيمىل اگەنتتٸگٸ پەن «قازپوشتا» اق سىبايلاس جەمقورلىققا قارسى كٷرەسكە ارنالعان پوشتا ماركالارىن ساتىلىمعا شىعاردى.
