بٷگٸن الماتىدا قازكوممەرتسبانكتٸڭ جاڭا بٶلٸمشەسٸندە بانكتٸڭ جاڭارعان QAZKOM برەندٸنٸڭ تۇساۋكەسەرٸ ٶتتٸ. سونداي-اق, مەكەمە حالىققا جاڭا ٷلگٸدەگٸ بانك بٶلٸمشەسٸن ۇسىندى. ەندٸ بانك قىزمەتكەرلەرٸ ٶز كليەتتەرٸنە ساپالى تٷردە قىزمەت كٶرسەتپەك, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
وسىعان دەيٸن بانك اتاۋى ٷش تٸلدە: قازكوم (قازاقشا) , كازكوم (ورىسشا) جەنە Kazkom (اعىلشىنشا) دەپ جازىلىپ كەلگەن. ەندٸ بۇل اتاۋلار QAZKOM-عا بٸرٸكتٸرٸلدٸ.
سونداي-اق, بانك ٶز لوگوتيپٸندە ٶزگەرتتٸ. لوگوتيپتە ورنالاسقان كٶك شارشىداعى كٷننٸڭ نىشانىن بٸلدٸرەتٸن سارى شەڭبەر بٷگٸننەن باستاپ Q ليتەراسىنا ٶزگەردٸ.
سالتاناتتى شاراعا قاتىسقان بانكتٸڭ نەگٸزگٸ اكتسيونەرٸ جەنە ديرەكتورلار كەڭەسٸنٸڭ تٶراعاسى – كەڭەس راقىشەۆ بۇل ٶزگەرٸستەر جوسپار بويىنشا جٷرگٸزٸلگەندٸگٸن اتاپ ٶتتٸ.
«بۇل ٶزگەرٸستەر لوگوتيپ پەن جاڭا اتاۋدى ٶزگەرتۋ ٷشٸن جاسالىنىپ وتىرعان جوق. كەرٸسٸنشە, بۇل شارانىڭ باستى ماقساتى – بانك دامۋىنىڭ جاڭا ستراتەگيياسى اياسىندا بانك جۇمىسىنداعى ساپالى ٶزگەرٸستەردٸ جٷزەگە اسىرۋ. ناقتىراق ايتساق, بۇل – بٸزدٸڭ كليەنتتەردٸڭ مۇقتاجى مەن كٶڭٸلٸنەن شىعاتىن سەرۆيستٸڭ ماسشتابتى رەفورماسى. لوگوتيپتەگٸ Q ليتەراسى كليەنتتەرٸمٸزگە موبيلدٸلٸكتٸ, قاراپايىمدىلىقتى ەرٸ جىلدامدىقتى قامتاماسىز ەتەتٸن بانكتٸك سەرۆيستٸ ۇسىنۋ ٷشٸن قولعا الىندى», -دەيدٸ بانك باسشىسى.
