فوتو: pixabay
ەلەۋمەتتٸك جەلٸلەردە يران اۋماعىنىڭ ٷستٸندە «قىشقىل بۇلتتار» پايدا بولىپ, ولار ورتالىق ازييا ەلدەرٸنە جەتۋٸ مٷمكٸن دەگەن اقپارات تارالۋدا. كازگيدرومەت ماماندارىنىڭ مەلٸمەتٸنشە, مۇنداي حابارلامالار جٷرگٸزٸلگەن باقىلاۋلار نەتيجەسٸمەن راستالمايدى, دەپ مەلٸمدەدٸ قازگيدرومەت. بۇل تۋرالى Ult.kz حابارلايدى.
يران ٷستٸندە پايدا بولدى دەلٸنگەن جەنە ورتالىق ازييا ەلدەرٸنە جەتۋٸ مٷمكٸن دەگەن «قىشقىل بۇلتتار» تۋرالى اقپارات عىلىمي دەرەكتەرمەن دە, جٷرگٸزٸلگەن باقىلاۋلارمەن دە دەلەلدەنبەگەن.
قىشقىل جاۋىن-شاشىندار اتموسفەراعا نەگٸزٸنەن ٶنەركەسٸپ, ەنەرگەتيكا جەنە كٶلٸك كٶزدەرٸنەن بٶلٸنەتٸن كٷكٸرت پەن ازوت وكسيدتەرٸنٸڭ ەسەرٸنەن تٷزٸلەدٸ.
ەدەتتە مۇنداي قۇبىلىستار لاستاۋشى كٶزدەرگە جاقىن ايماقتاردا بايقالادى. اۋا ماسسالارى الىس قاشىقتىققا تارالعان كەزدە بۇل زاتتاردىڭ كونتسەنتراتسيياسى اتموسفەراداعى تابيعي پروتسەستەردٸڭ ەسەرٸنەن ەدەۋٸر تٶمەندەيدٸ.
مونيتورينگ دەرەكتەرٸنە سەيكەس, مۇنداي لاستاۋشى زاتتاردىڭ قازاقستان مەن ورتالىق ازييا ەلدەرٸ باعىتىنا تارالۋ بەلگٸلەرٸ تٸركەلگەن جوق. وسىعان بايلانىستى ماماندار تۇرعىندارعا ۇلتتىق مەتەورولوگييالىق جەنە ەكولوگييالىق قىزمەتتەردٸڭ رەسمي دەرەكتەرٸنە سٷيەنٸپ, تەكسەرٸلمەگەن اقپاراتتى تاراتپاۋعا كەڭەس بەرەدٸ.
