Foto: pixabay
Áleýmettik jelilerde Iran aýmaǵynyń ústinde «qyshqyl bulttar» paida bolyp, olar Ortalyq Aziia elderine jetýi múmkin degen aqparat taralýda. Kazgidromet mamandarynyń málimetinshe, mundai habarlamalar júrgizilgen baqylaýlar nátijesimen rastalmaidy, dep málimdedi Qazgidromet. Bul týraly Ult.kz habarlaidy.
Iran ústinde paida boldy delingen jáne Ortalyq Aziia elderine jetýi múmkin degen «qyshqyl bulttar» týraly aqparat ǵylymi derektermen de, júrgizilgen baqylaýlarmen de dáleldenbegen.
Qyshqyl jaýyn-shashyndar atmosferaǵa negizinen ónerkásip, energetika jáne kólik kózderinen bólinetin kúkirt pen azot oksidteriniń áserinen túziledi.
Ádette mundai qubylystar lastaýshy kózderge jaqyn aimaqtarda baiqalady. Aýa massalary alys qashyqtyqqa taralǵan kezde bul zattardyń kontsentratsiiasy atmosferadaǵy tabiǵi protsesterdiń áserinen edáýir tómendeidi.
Monitoring derekterine sáikes, mundai lastaýshy zattardyń Qazaqstan men Ortalyq Aziia elderi baǵytyna taralý belgileri tirkelgen joq. Osyǵan bailanysty mamandar turǵyndarǵa ulttyq meteorologiialyq jáne ekologiialyq qyzmetterdiń resmi derekterine súienip, tekserilmegen aqparatty taratpaýǵa keńes beredi.
