ٸشكٸ ٸستەر مينيسترلٸگٸنٸڭ تاپسىرماسىمەن تٷركٸستان وبلىسى پوليتسييا دەپارتامەنتٸ سوزاق اۋدانىندا "قازاتومپروم" كەسٸپورىندارىنان اسا ٸرٸ كٶلەمدەگٸ جانارماي مەن باسقا باعالى زاتتار توناعان قىلمىستىق توپتى انىقتادى, - دەپ حابارلايدى Tengrinews.kz تٸلشٸسٸ Polisia.kz سايتىنا سٸلتەمە جاساپ.
ۇقت جانارماي مەن ٶزگە دە باعالى زاتتاردى شىعارۋعا ەرەكەت جاساعان كەزدە ۇستالدى. توپتا 10-نان اسا ادام بولعان, ونىڭ ٸشٸندە سوتتالعاندار مەن دەسترۋكتيۆتٸ دٸني اعىم ٶكٸلدەرٸ بار. جەدەل اقپارات بويىنشا ولار اي سايىن ون ميلليون تەڭگە كٶلەمٸندە مٷلٸك توناعان. تونالعان زاتتاردىڭ رادياتسييالىق قاۋٸپٸ مەن تاسىمالداۋ, ساقتاۋ تالاپتارىنىڭ ساقتالماۋى قىلمىسكەرلەردٸ توقتاتا الماعان.
سونداي-اق, ولار بوپسالاۋ, كەسٸپكەرلەرگە "قامقورلىق جاساۋمەن" اينالىسقان. قىلمىستىق ورتادا كٷشٸن نىعايتۋ ٷشٸن قارۋ قولدانعان.
تٸنتۋ بارىسىندا قىلمىسكەرلەردەن ەسٸرتكٸ, اتىس قارۋى, كٷمەندٸ دٸني ەدەبيەت, قىلمىستىق جولمەن الىنعان اقشالاي قاراجات, "قارا بۋحگالتەرييا" بلوكنوتتارى جەنە "قازاتومپروم" كەسٸپورىندارىنان ۇرلانعان باعالى زاتتار تابىلدى.
بۇل دەرەككە قاتىستى قازاقستان رەسپۋبليكاسى قك-نٸڭ 197 (مۇناي جەنە مۇناي ٶنٸمدەرٸن تاسىمالداۋ جەنە ساتىپ الۋ), 287 (قارۋ مەن وق-دەرٸلەردٸ زاڭسىز ساتىپ الۋ, بەرۋ, ساتۋ جەنە ساقتاۋ) جەنە 296 (ەسٸرتكٸ قۇرالدارىمەن زاڭسىز ٸس-ەرەكەت) باپتارى بويىنشا سوتقا دەيٸنگٸ تەرگەۋ باستالدى. قالعان دەرەكتەر بويىنشا دەلەلدەر جينالىپ جاتىر. بارلىق جەدەل ٸس-شارا پروكۋروردىڭ سانكتسيياسىمەن جٷرگٸزٸلدٸ. كٸنەلٸ ادامدار ۇستالىپ, سوت سانكتسيياسىمەن تەرگەۋ يزولياتورىنا قامالدى.
