قازاقستاندىق دارىندى ەنشٸ ەرجان ماكسيمنٸڭ جاڭا بەينەبايانى تانىستىرىلدى, دەپ حابارلايدى "ۇلت اقپارات".
«مەن بۇل ەندٸ ەلٸمٸزدٸڭ تەۋەلسٸزدٸك كٷنٸنە ارناعىم كەلەدٸ. حالقىمىز تاتۋ-تەتتٸ ەرٸ بٸرلٸكتە ٶمٸر سٷرگەنٸن قالايمىن», - دەدٸ ەنشٸ.
بەينەباياندى الماتىدا «حابار» اگەنتتٸگٸنٸڭ شىعارماشىلىق توبى تٷسٸرگەن. ەنگە جاۋىنگەرلٸك رۋح, تايسالمايتىن مٸنەز, قاجىماس قايرات ارقاۋ بولعان. باستى كەيٸپكەر رەتٸندە ەرجان ماكسيمنٸڭ ٶزٸ تٷسكەن. سونداي-اق كليپتەن تانىمال ەنشٸلەردەن بٷركٸت پەن نۇرلان ابدۋلليندٸ, جٸگٸتتەر توبىن, سپورتشىلاردان وليمپيادا چەمپيونى ەرماحان يبرايموۆتٸ, كەسٸپقوي بوكسشى جانقوش تۇراروۆتى كٶرۋگە بولادى.
«حابار» تەلەارناسىنىڭ ديرەكتورى دينارا بيسەمبينا جاستارعا وسىلايشا قولداۋ بٸلدٸرۋ كەرەكتٸگٸن ايتادى.
«ەرجان ماكسيمدٸ قولداۋعا بەل بۋدىق. ەن باتىرلارعا ارنالعان. بۇل بەينەباياندى ەرجاننىڭ قازاقستاندىقتارعا ارناعان سىيى دەۋگە بولادى», - دەيدٸ ول.
