قالىڭ كٶپشٸلٸككە «تايلاق» ەسٸمٸمەن تانىلعان «تاقييالى پەرٸشتە» فيلمٸنٸڭ باس كەيٸپكەرٸ ٶمٸردەن وزدى, - دەپ حابارلايدى "ۇلت اقپارات".
يٸسٸ قازاق سٷيسٸنٸپ كٶرەتٸن «تاقييالى پەرٸشتە» فيلمٸنٸڭ باس كەيٸپكەرٸ, اتى اڭىزعا اينالعان اكتەر, قازاقستان رەسپۋبليكاسىنىڭ مەدەنيەت قايراتكەرٸ, الماتى وبلىسىنىڭ قۇرمەتتٸ ازاماتى ەلٸمعازى رايىمبەكوۆ ٶمٸردەن وزدى.
ەلٸمعازى سۇماعۇلۇلى 1936 جىلى 1 جەلتوقساندا الماتى وبلىسىندا دٷنيەگە كەلگەن. العاشقى ەڭبەك جولىن اۋىلدا جٷرگٸزۋشٸ بولىپ باستاعان. 1965 جىلى العاشقى «ەن قاناتىندا» فيلمٸنٸڭ سپورتتىق ٸس-شارالارىنا شاقىرتۋ الادى. 1966 جىلى «قيلى كەزەڭ» فيلمٸنە تٷسەدٸ.
1968 جىلى قازاق كينوسىنىڭ التىن قورىنان ويىپ تۇرىپ ورىن العان «تاقييالى پەرٸشتە» (رەجيسسەرٸ شەكەن ايمانوۆ) كينوفيلمٸندەگٸ تايلاقتىڭ رٶلٸن سومدايدى. وسى كەزدەن باستاپ جۇرتشىلىققا كەڭٸنەن تانىلادى.
بۇدان بٶلەك, «كٶگٸلدٸر تاكسي», «قان مەن تەر» سەكٸلدٸ وننان اسا كينوفيلمگە تٷسكەن. بٸرنەشە مەرەكەلٸك مەدال مەن قۇرمەت گراموتالارىن العان. الماتى وبلىسى كٶكسۋ اۋدانىنىڭ دا قۇرمەتتٸ ازاماتى.
ەلٸمعازى رايىمبەكوۆ ٶمٸرٸنٸڭ سوڭىنا دەيٸن قوعامدىق جۇمىستارعا بەلسەنە ارالاسىپ, جاس ۇرپاقتى تەربيەلەۋگە ٷلكەن ٷلەس قوستى. كەز كەلگەن ٸس-شارالاردا اق باتاسىن بەرٸپ, ەل اماندىعىن تٸلەپ جٷرەتٸن, نەمەرە-شٶبەرەلەرٸنە ٷلگٸلٸ ازامات ەدٸ.
