قازاقستاندىق فۋتبولشى ەركەبۇلان سەيداحمەت ەۋروپالىق كلۋبقا اۋىستى. سپورتشىنى بولگارييالىق "لەۆسكي" كلۋبى بٸر جىلعا جالعا الدى.
"19 جاستاعى شابۋىلشى 2000 جىلى 4 اقپاندا دٷنيەگە كەلگەن, قازاقستاننىڭ ەڭ مىقتى جاس فۋتبولشىلارىنىڭ بٸرٸ. 2017 جىلى "تاراز" قۇرامىندا ويناپ, كەيٸن رەسەيلٸك پرەمەر-ليگانىڭ "ۋفا" كلۋبىنا اۋىستى", - دەلٸنگەن "لەۆسكي" فۋتبول كلۋبىنىڭ سايتىندا.
سەيداحمەت ەۋروپالىق كلۋبقا ٶتۋٸنە بايلانىستى قىسقا عانا پٸكٸر بٸلدٸرگەن.
"مۇندا كٶپتەگەن تانىمال فۋتبولشىلار بار. سىرتتاي بەرٸن بٸلەمٸن. جاڭا كومانداعا قوسىلعانىما ٶتە قۋانىشتىمىن", - دەدٸ ول.
بۇعان دەيٸن "ۋفا" فك قۇرامىندا ويناعان "قازاقتىڭ مەسسيٸ" باپكەرلەرٸ مەن كومانداعا العىس ايتىپ, كلۋبپەن قوش ايتىسقان ەدٸ.
