قر پارلامەنتٸ سەناتىنىڭ تٶراعاسى داريعا نازارباەۆا پارلامەنتتٸك تىڭداۋعا دايىندىق اياسىندا ەلٸمٸزدٸڭ «اتامەكەن» ۇلتتىق كەسٸپكەرلەر پالاتاسى مەن «قازاگرو» ۇلتتىق باسقارۋ حولدينگٸنٸڭ باسشىلارىمەن كەزدەستٸ. بۇل تۋرالى سەناتتىڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
«اتامەكەن» ۇكپ باسقارما تٶراعاسى ابىلاي مىرزاحمەتوۆ كٸرٸسپە سٶزٸندە اگروٶنەركەسٸپ كەشەنٸن دامىتۋدىڭ مەملەكەتتٸك ٷش باعدارلاماسى اياسىندا سۋبسيدييالاۋعا شامامەن ەكٸ تريلليون تەڭگە جۇمسالعانىن, دەگەنمەن سالانىڭ كٶرسەتكٸشتەرٸ ٶسپەگەنٸن ەرٸ ەلەمدەگٸ مەجەلەردەن ايتارلىقتاي ارتتا قالعانىنا جينالعانداردىڭ نازارىن اۋداردى.
ا.مىرزاحمەتوۆتىڭ دەرەكتەرٸندە بٸزدٸڭ ەلٸمٸز ٶڭدەلگەن ٶنٸم بويىنشا يمپورتقا كٶبٸرەك تەۋەلدٸ بولىپ وتىر, ٶيتكەنٸ تيٸمدٸلٸگٸ تٶمەن جەنە ودان ەرٸ ٶڭدەلەتٸن شيكٸزات رەتٸندە پايدالانىلاتىن تٸرٸ مال ەكسپورتتىڭ نەگٸزگٸ بٶلٸگٸن قۇرايدى. «اتامەكەن» ۇكپ باسشىسى بۇل جاعداي مەملەكەتتٸڭ ازىق-تٷلٸك قاۋٸپسٸزدٸگٸنە تەرٸس ىقپال ەتەدٸ, دەپ سانايدى. ونىڭ ايتۋىنشا, رەفورمالارداعى ۇدايى ٶزگەرٸستەر اۋىل شارۋاشىلىعى تاۋارىن ٶندٸرۋشٸلەردٸڭ كٶڭٸل-كٷيٸنە ايتارلىقتاي ەسەر ەتەدٸ.
«سوڭعى 5 جىلدا سۋبسيدييالاۋ ەرەجەلەرٸ 47 رەت ٶزگەردٸ. بۇل تۇراقتى سيپاتقا يە بولدى. ۇدايى ٶزگەرٸستەر ەنگٸزٸلەدٸ, فەرمەر جۇمىستى قالاي جوسپارلاۋدى تٷسٸنٸپ ٷلگەرمەيدٸ. قۇجاتتاردى دايىنداۋدى باستاعاندا جارتى جىلدان كەيٸن كەلەسٸ تٷزەتۋلەر ەنگٸزٸلەدٸ», - دەدٸ ول.
ابىلاي مىرزاحمەتوۆ مەملەكەتتٸك ورگاندار اراسىندا ٷيلەسٸمنٸڭ جوقتىعىن دا اتاپ ٶتتٸ:
اۋىل شارۋاشىلىعى مينيسترلٸگٸنٸڭ جەر رەسۋرستارىن باسقارۋ كوميتەتٸ اۋىل شارۋاشىلىعى جەرلەرٸنٸڭ بالانسىن ۇستاۋشى بولىپ سانالاتىنىنا قاراماستان, بارلىق اكتٸلەردٸ بەرۋمەن جەرگٸلٸكتٸ اتقارۋشى ورگاندار اينالىسادى, ال ٶتكەن جىلى حيماناليزدٸ بەرۋ ازاماتتارعا ارنالعان ٷكٸمەتكە بەرٸلدٸ. بۇل بازانى تەرتٸپكە كەلتٸرۋ كەرەك».
ٶز كەزەگٸندە «اتامەكەن» ۇكپ تٶرالقاسى اگروٶنەركەسٸپ كوميتەتٸنٸڭ تٶراعاسى, اگروفيرما ديرەكتورى يۆان ساۋەر مال شارۋاشىلىعىن دامىتۋدى نە تەجەپ وتىرعانى تۋرالى ايتىپ بەردٸ. ول ماڭىزدى مەسەلەلەردٸڭ بٸرٸ رەتٸندە ۆەتەرينارييالىق قامتاماسىز ەتۋ جٷيەسٸنٸڭ ەلسٸزدٸگٸ, دەپ سانايدى. ۆەتەريناريياداعى كٶپتەگەن رەفورمالار ەلدەگٸ ۆەتەرينارييالىق احۋالدى باقىلاۋدى ەلسٸرەتتٸ, ول جانۋارلاردىڭ قاۋٸپتٸ اۋرۋلارىنىڭ ٶرشۋ جاعدايلارى جيٸلەپ كەتۋٸنەن بايقالىپ وتىر.
ەسەپ-قيساپقا قوسىپ جازۋ – جەكە مەسەلە بولىپ وتىر. ي.ساۋەر ەت ٶندٸرۋدەگٸ كٶرسەتكٸشتەردٸ كٶپە-كٶرٸنەۋ اسىرا كٶرسەتٸپ, بۇرمالايتىنداردى مەملەكەت جازالاۋى تيٸس ەكەنٸن ايتتى.
ونىڭ ويىنشا, ەت ٶندٸرٸسٸن دامىتۋ مەسەلەسٸندە «ەر قيىردان انگۋس ەتٸن ٸزدەۋدٸ قويىپ, وتاندىق تۇقىمدى دامىتۋ كەرەك», ەسٸرەسە ايماقتىق ەرەكشەلٸكتەرگە جاقسى بەيٸمدەلگەن قازاقتىڭ اق باس سيىرىن ٶسٸرۋدٸ قولعا العان جٶن.
