«Əزەربايجان قاۋىمداستىعى» رەسپۋبليكالىق قوعامدىق بٸرلەستٸگٸ كٶكشەتاۋ قالالىق فيليالىنىڭ تٶراعاسى نازيم شيحاليەۆ قازاقستاندىقتاردى ناۋرىز مەيرامىمەن قۇتتىقتادى, دەپ حابارلايدى قازاقپارات.
ەلٸمٸزدٸ مەكەن ەتكەن وي-ماقساتى ورتاق سان الۋان ۇلت پەن ۇلىس ٶكٸلدەرٸنٸڭ بٸرٸ – əزەربايجاندار.
Əزەربايجاندىقتاردىڭ قازاقستانعا كەلۋ تاريحى دا əرتٷرلٸ. بٸرٸ سوناۋ حح عاسىردىڭ باسىندا قازاقستانعا جەر اۋدارىلسا, ەندٸ بٸرٸ - كەڭەس وداعى كەزٸندە جولدامامەن كەلگەندەر.
بٷگٸنگٸ بٸزدٸڭ كەيٸپكەرٸمٸز دە - Əزەربايجاننىڭ ماسالى اۋدانى شاتىروبا اۋىلىنىڭ تۋماسى 1970 جىلدارى كسرو ٸشكٸ ٸستەر مينيسترلٸگٸنٸڭ جولداماسىمەن قازاقستانعا قونىس اۋدارعان.
قازٸرگٸ كەزدە ونىڭ ينتەرناتسيونالدى وتباسى وسىندا تامىرىن تەرەڭگە جايىپ, نەمەرە سٷيٸپ, باقىتتى ٶمٸر سٷرٸپ جاتىر.
ول قازاقستاندى ٶزٸنٸڭ ەكٸنشٸ وتانى سانايتىنىن, قازاق حالقى – ٶتە مەيٸربان, مەيماندوس, كٸشٸپەيٸل ەكەنٸن ايتادى.
«جالپى مەنٸڭ قازاق حالقىنا دەگەن قۇرمەتٸم شەكسٸز. سەبەبٸ, قازاق حالقى ٶتە مەيٸربان حالىق. جٷرەگٸ جومارت, كٶڭٸلٸ دارحان, كەڭ حالىق. ەلٸمٸز كٶركەيٸپ, گٷلدەنٸپ, بٸر شاڭىراقتا جٷزدەگەن ۇلت پەن ۇلىس بٸر ٷيدٸڭ بالاسىنداي تاتۋ-تəتتٸ عۇمىر كەشۋدەمٸز. وسىنىڭ بارلىعى قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ سىندارلى ساياساتىنىڭ جەمٸسٸ دەپ بٸلەمٸن. وبلىس ورتالىعىندا قۇرىلعان «Əزٸربايجان قاۋىمداستىعى» رەسپۋبليكالىق قوعامدىق بٸرلەستٸگٸنٸڭ اشىلعانىنا مٸنەكەي, بيىل ون ٷش جىل تولادى. ەلٸمٸزدە تۋعان حالقىمىزدىڭ مəدەنيەتٸ مەن تٶلتۋما ٶنەرٸن ساقتاۋعا كەڭ ٶرٸس بار. ۇلتتىق بي ٷيٸرمەسٸ, تٸل ٷيرەتۋ ساباقتارىندا ٶسكەلەڭ ۇرپاق», - دەپ قوستى نازيم شيحاليەۆ.
وسى رەتتە ول قازاقتار مەن əزەربايجانداردىڭ اراسىندا كٶپتەگەن ۇقساستىقتار بارىن العا تارتتى. ناۋرىز - قوس حالىققا ورتاق ۇلىق مەيرام.
Əزەربايجان حالقى ٶزدەرٸنٸڭ تٸلٸمەن ايتقاندا «نوۆرۋزدى» ەڭ سٷيٸكتٸ مەرەكە سانايدى. ەسكٸ جىلدىڭ سوڭعى سəرسەنبٸسٸ, ياعني, «احىر چەرشەنبە» كٷنٸنەن باستاپ جاڭا جىل قامىنا كٸرٸسەدٸ.
سول كٷنٸ ٷي مەن ىدىس-اياعىن تازالاپ, قايتىس بولعان تۋىستارىنا دۇعا ەتەدٸ.
ال, جاڭا جىل كٸرگەن كٷنٸ ەرتە تۇرىپ, ٶزەنگە نەمەسە بۇلاق باسىنا بارىپ, شومىلادى. ياعني, جاڭا جىلدىڭ بٸرٸنشٸ كٷنٸن تازا نيەتپەن, اق پەيٸلمەن قارسى الادى.
سونداي-اق, بۇل كٷنٸ əزەربايجاندىقتار ورازاسىن بالمەن نەمەسە قانتپەن اشادى. الداعى ٶمٸرٸمٸز بال مەن شەكەر سىندى تəتتٸ بولسىن دەگەن نيەتتەن.
«مەرەكەنٸڭ قۋانىشىمەن-اق ٶتٸپ كەتەتٸن جاڭا جىلدىڭ العاشقى كٷنٸن ەزٸربايجان حالقى دا تٷرلٸ اس قويىلعان اق داستارحانمەن قارسى الادى. اس مəزٸرٸنەن «يەدي-لەۆين» تاعامى دا قالىسپايدى. بۇل تاعامنىڭ بٸزدٸڭ ناۋرىز كٶجەمٸزگە ۇقساستىعى بار. وعان دا جەتٸ تٷرلٸ دəم قوسىلادى. جالپى, بٸزدٸڭ داستارحان مəزٸرٸمٸز دە ۇقساس. Əردايىم كٶپشٸلٸككە اق داستارحان باسىنداعى ادال اسىن ۇسىناتىن قازاقتار تəرٸزدٸ ەزەربايجان حالقىنىڭ جومارت داستارحانى دا ۇلتتىق تاعامداردىڭ كٶپتٸگٸنەن قايىسىپ تۇرادى. سٶز سوڭىندا بارشا زامانداستارىمىزدى ناقىشتى ناۋرىز مەرەكەسٸمەن قۇتتىقتايمىن. «نوۆرۋز بايرامىنىز مۋبارەك ولسۋن! قازاقستان حالگى حوشباحت ولسۋن!» دەگٸم كەلەدٸ», - دەپ تٷيٸندەدٸ «Əزەربايجان قاۋىمداستىعى» رەسپۋبليكالىق قوعامدىق بٸرلەستٸگٸ كٶكشەتاۋ قالالىق فيليالىنىڭ تٶراعاسى نازيم شيحاليەۆ.
