قازاقستان ەۋروپا كەڭەسٸنٸڭ سىبايلاس جەمقورلىققا قارسى مەملەكەتتەر توبى (گرەكو) باستاماسىنا قوسىلدى.
بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ بٸرٸنشٸ ورىنباسارى ولجاس بەكتەنوۆ مەلٸم ەتتٸ, دەپ حابارلايدى قازاقپارات.
«دەپۋتاتتىق كورپۋستىڭ قولداۋىنىڭ ارقاسىندا, كەلٸسٸمدٸ راتيفيكاتسييالاۋ تۋرالى قۇجات پارلامەنتتٸڭ قوس پالاتاسىمەن قىسقا مەرزٸمدە قابىلداندى. 2019 جىلدىڭ 30 جەلتوقسانىندا مەملەكەت باسشىسى تيٸستٸ زاڭعا قول قويدى. وسى سەتتەن باستاپ قازاقستان گرەكو-نىڭ 50-شٸ جاڭا مٷشەسٸ اتاندى», - دەدٸ و. بەكتەنوۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
وسى ورايدا ول اتالعان ۇيىمعا مٷشەلٸكتٸڭ باسىمدىقتارى تۋرالى ايتىپ بەردٸ.
«بٸرٸنشٸ كەزەكتە, ەۋروپا كەڭەسٸ ساراپشىلارى سىبايلاس جەمقورلىققا قارسى زاڭناماعا ٷنەمٸ مونيتورينگ جٷرگٸزٸپ تٷرادى. بۇل تۇرعىدا ەلەمدٸك ٷزدٸك تەجٸريبەلەرگە, حالىقارالىق نورماتيۆتٸك-قۇقىقتىق اكتٸلەرگە سەيكەستٸك باعىتى نازاردا بولادى. مونيتورينگتٸڭ ەربٸر راۋندىنىڭ قورىتىندىسى بويىنشا ەلٸمٸزگە تيٸستٸ ۇسىنىستار جاسالادى, ياعني جەمقورلىققا قارسى ٸس-قيمىل تيٸمدٸلٸگٸن ارتتىرۋ ماقساتىندا زاڭناماعا ٶزگەرٸستەر نەمەسە ۇيىمداستىرۋ شارالارىن قابىلداۋ قادامدارى پىسىقتالادى», - دەدٸ ول.
بەلگٸلٸ بولعانداي, اتالعان ۇسىنىستار مەن كەڭەستەردٸ ورىنداۋ ٷشٸن مەملەكەتكە 18 اي مەرزٸمٸ بەرٸلەدٸ. سونىمەن قاتار, بۇل مەرزٸمدٸ جارتى جىلعا ۇزارتۋ مٷمكٸندٸگٸ قاراستىرىلعان. وسىدان كەيٸن ساراپشىلار ۇسىنىستارىنىڭ ورىندالۋى دەڭگەيٸنە باعا بەرٸلەدٸ.
ايتا كەتەيٸك, گرەكو-عا قوسىلۋ ارقىلى قازاقستان ساراپشىلارى دا ەۋروپا كەڭەسٸنٸڭ باعالاۋ توپتارى قۇرامىنا ەنەتٸن بولادى. بۇل رەتتە گرەكو-عا قاتىسۋشى ٶزگە دە ەلدەردەگٸ مونيتورينگتٸك شارالاردا قامتىلادى.
ونىڭ سٶزٸنە قاراعاندا, گرەكو-عا قوسىلۋ ەۋروپا كەڭەسٸنٸڭ سىبايلاس جەمقورلىق ٷشٸن قىلمىستىق جاۋاپكەرشٸلٸك تۋرالى كونۆەنتسيياسىن راتيفيكاتسييالاۋعا جول اشادى. بۇل ٶز كەزەگٸندە قىلمىسكەرلەردٸ ەكستراديتسييالاۋ, ولاردىڭ زاڭسىز تاپقان مٷلكٸن قايتارۋ مەسەلەلەرٸ بويىنشا ەۋروپا ەلدەرٸمەن ىنتىماقتاستىقتى كٷشەيتۋگە مٷمكٸندٸك بەرەدٸ.
بۇدان بۇرىن حابارلانعانداي, ٶتكەن جىلدىڭ سوڭىندا پارلامەنت سەناتىنىڭ جالپى وتىرىسىندا «قازاقستان مەن ەۋروپا كەڭەسٸ اراسىنداعى سىبايلاس جەمقورلىققا قارسى مەملەكەتتەر توبى ٶكٸلدەرٸنٸڭ جەنە باعالاۋشى توپتار مٷشەلەرٸنٸڭ (گرەكو) ارتىقشىلىقتارى مەن يممۋنيتەتتەرٸنە قاتىستى كەلٸسٸمدٸ راتيفيكاتسييالاۋ تۋرالى» زاڭى قابىلداندى.
