«قازاقستاندا ارمەنيياداعىداي ٶز نارازىلىعىن بٸلدٸرەتٸن قۇقىقتىق الاڭ جوقتىڭ قاسى. تٸپتٸ, بٸزدە وپپوزيتسيياعا دا ورىن جوق. سوندىقتان ساياسي تۇرالاۋعا ۇشىراعان قازاقستاننىڭ جاعدايى ارمەنييادان دا ناشار. بٸزدٸڭ مەديا پورتالعا بەرگەن سۇحباتىندا ساياساتتانۋشى دوسىم سەتپاەۆ ەكٸ ەلدٸڭ ساياسي جاعدايىن وسىلايشا سالىستىردى», — دەپ جازادى kaz.365info.kz پورتالى.
ارمەنييادا بەيبٸت شەرۋ ٶتٸپ جاتقانىنا 1 ايدان اسقانىن ەسكە سالا كەتەلٸك. ەرەۆاندا پوليتسييا بٶلٸمشەسٸ باسىپ الىندى. قازٸر پوليتسييا قىزمەتكەرلەرٸن كەپٸلگە العاندار ارميان وپپوزيتسييانىڭ كٶشباسشىسىن بوساتۋدى تالاپ ەتٸپ جاتىر. ال كٶشەدە «ارمياندارسىز ارمەنييا!» دەگەن ۇراندى الىپ شىققان حالىق پرەزيدەنت پەن ٷكٸمەتتٸڭ بيلٸكتەن كەتۋٸن قالايدى.
رەسەي ارمەنييانى ساتىپ كەتتٸ
ساياساتتانۋشى دوسىم سەتپاەۆ ارمەنييادا بەيبٸت شەرۋلەردٸڭ ٶتۋٸ, ساياسي ٶمٸردٸڭ بەلسەندٸلٸگٸ — قالىپتى جاعداي دەپ ەسەپتەيدٸ. وسى جاعىنان العاندا, بۇل مەملەكەتتە پوستكەڭەستٸك ەلدەر ٸشٸندە دەموكراتييا قۇندىلىعى ەلدەقايدا جاقسى ساقتالعان.
— الايدا سوڭعى جايت, ياعني وپپوزيتسييا بەيبٸت ٸس-قيمىلدان كٷشتەۋگە كٶشۋٸ مۇندا دا سٶز بوستاندىعى, تاڭداۋ ەركٸندٸگٸنٸڭ تاپتالىپ جاتقانىن بايقاتادى, — دەيدٸ ول.
قالاي دەگەنمەن دە, ساياساتتانۋشى ارمەنيياداعى نارازىلىقتىڭ كٷشەيۋٸنە 3 فاكتور ٷلكەن ەسەر ەتٸپ وتىرعانىن ايتادى.
— بٸرٸنشٸدەن, وپپوزيتسييا قاتتى قىسىم كٶرٸپ, قۋدالاۋعا ۇشىراپ جاتىر.
ەكٸنشٸدەن, قازٸر ارمەنييا ەكونوميكاسى اۋىر كەزەڭدٸ باستان كەشٸرۋدە. ولاردىڭ ەكونوميكاسى رەسەيگە قاتتى تەۋەلدٸ. ال رەسەيدٸڭ جاعدايى قازٸر مەز ەمەس ەكەنٸ بەلگٸلٸ. جاعدايىمىزدى تٷزەيدٸ دەگەن ەۋرازييالىق ەكونوميكالىق وداق تا ٶز پايداسىن ەكەلمەدٸ. تەك كٶشٸ-قون مەسەلەسٸندە عانا بولماسا, بىلاي ودان ٷلكەن سەپتٸك جوق. سوندىقتان ارميان حالقىنىڭ باسىم بٶلٸگٸ وسى وداقتان شىعۋدى قالايدى.
ٷشٸنشٸدەن, قاراباحتاعى سوڭعى جاعدايدى الايىق. ارمەنييامەن جاۋلاسۋشى تاراپ — ەزٸربايجانعا رەسەي قارۋ-جاراق ساتتى.
وسىلايشا بٸر وداققا قوسىلىپ, سەنٸم ارتقان باستى دوس ەلٸ ارمەنييانى ساتىپ كەتتٸ.
بۇل جاعدايدى ەۋروپالىق قۇندىلىقتى قولدايتىن ەل ٸشٸندەگٸ ساياسي كٷشتەر وڭتايلى پايدالانىپ جاتىر.
بٸراق ارمەنييانىڭ ساياسي ٶمٸرٸ قازاقستاننان قاتتى ەرەكشەلەنەدٸ. وندا مەملەكەت باسشىلارى, ٷكٸمەت جيٸ اۋىسادى.
سوندىقتان بۇل جولى دا تاراپتار كەلٸسسٶز ٷستەلٸنە وتىرىپ, جاعدايدى دەموكراتييالىق تۇرعىدا شەشۋگە شامالارى جەتٸپ قالادى دەپ ويلايمىن.
ال بەلارۋس پرەزيدەنتٸ الەكساندر لۋكاشەنكونىڭ: „بٸزگە ارمەنييا مەن قازاقستانداعى جاعدايدىڭ كەرەگٸ جوق„ دەپ ەكٸ ەلدەگٸ جاعدايدى مىسال ەتكەنٸ تٸپتەن نەگٸزسٸز„ — دەيدٸ دوسىم سەتپاەۆ.
قازاقستاندا وپپوزيتسييا جوق. ونىڭ ورنىن راديكالدار باسقان!
ونىڭ پٸكٸرٸنشە,
بٷگٸندەرٸ ساياسي تۇرالاۋعا ۇشىراعان قازاقستاننىڭ جاعدايى ارمەنييادان دا ناشار. قازاقستاندا ارمەنيياداعىداي ٶز نارازىلىعىن بٸلدٸرەتٸن قۇقىقتىق الاڭ جوقتىڭ قاسى. تٸپتٸ, وپپوزيتسيياعا دا ورىن جوق.
— بۇرىننان كەلە جاتقان ەسكٸ وپپوزيتسييا ساياسي ساحنادان كەتتٸ. ەرينە, وعان بيلٸكتٸڭ ات سالىسقانى سٶزسٸز. ال ونىڭ ورنىنا جاڭا وپپوزيتسييالىق كٷش كەلگەن جوق. بۇل اراداعى ورىن ٷڭٸرەيٸپ قالدى. سوعان بايلانىستى قازٸر قاۋٸپتٸ جاعدايلار تۋىنداي باستادى.
بيلٸك ەشكٸمدٸ جولاتقىسى كەلمەگەن وسى بوس ورىندى دەموكراتييالىق, زاڭدى ەمەس, ەسٸرە راديكالدىق ويىنشىلار كەلٸپ تولتىرا باستادى.
ساياساتتانۋشى ەكسترەميستەر دە ٶز ويىن, نارازالىعىن ايتا الماي جٷرگەندەر ەكەنٸن ەستە شىعارماۋ كەرەكتٸگٸن ايتادى.
«تٸپتٸ الماتىداعى اتىس كەزٸندەگٸ قىلمىسكەردٸ كەك الۋشى دەپ تە ايتىپ جاتتى. دەمەك, ول قوعامنىڭ نارازى مٷشەسٸ. سوندىقتان بيلٸك حالىققا ٶز ويىن ايتاتىن قۇقىقتىق الاڭقايدى ۇسىنۋ جاعىن مٸندەتتٸ تٷردە ويلانۋى كەرەك», — دەيدٸ دوسىم سەتپاەۆ.
ەرينە, بٸزدە زاڭ بويىنشا شەرۋگە شىعۋعا بولادى. الايدا وعان رۇقساتتى جەرگٸلٸكتٸ ەكٸمشٸلٸك بەرەدٸ دەيمٸز. ال ەكٸمشٸلٸكتٸڭ شەرۋگە رۇقسات بەرۋٸ ەكٸتالاي. بۇعان جەر داۋىنا قاتىستى نارازىلىققا تىيىم سالىنۋ جاقسى مىسال بولا الاتىنىن باسا ايتا كەتەلٸك. قازٸر جەر رەفورماسى تۋرالى كوميسسييا جۇمىس ٸستەپ جاتىر.
بٸراق اتى ايتىپ تۇرعانداي, قامتىلاتىن تاقىرىبى بويىنشا جەر كوميسسيياسىنىڭ تالقى الاڭقايى بەلگٸلٸ بٸر شەكتەۋگە يە.
سوعان قاراماستان, ول ارادا ٷشتٸلدٸلٸككە قارسى, قۇقىق قۇرىلىمىنداعى ەدٸلەتسٸزدٸك پەن بارلىق سالادا كەڭٸنەن ەتەك جايعان سىبايلاس جەمقورلىق مەسەلەلەرٸ قوزعالىپ جاتىر. وسىدان-اق ەلٸمٸزدە بيلٸكپەن كەلٸسسٶز جٷرگٸزەتٸن الاڭداردىڭ اۋاداي قاجەتتٸلٸك تانىتىپ تۇرعانىن انىق اڭعارۋعا بولادى.
كامشات ساتيەۆا
