فوتو: Egemen.kz
قازاقستاندا تۋريستٸك ماۋسىم بيىلعى ناۋرىزدا ەلدٸڭ مەدەني-تۋريستٸك وقيعالار كٷنتٸزبەسٸنە ەنگەن ەكٸ ماڭىزدى ٸس-شارامەن اشىلادى. بۇل ٸس-شارالار ٶڭٸرلەردٸڭ مەدەني جەنە گاسترونومييالىق بايلىعىن تانىستىرىپ, ەل تۇرعىندارى مەن قوناقتارى ٷشٸن تارتىمدى ورتالىققا اينالادى, دەپ حابارلايدى Ult.kz.
نەگٸزگٸ ٸس-شارالاردىڭ بٸرٸ – ماڭعىستاۋ وبلىسى ەكٸمدٸگٸ ۇيىمداستىراتىن «امال كەلدٸ – جىل كەلدٸ» مەدەني مەرەكەسٸ. مەرەكە دەستٷر بويىنشا ناۋرىز مەيرامىنان بٸر كٷن بۇرىن وتپان تاۋ كيەلٸ كەشەنٸنٸڭ اۋماعىندا ٶتەدٸ. ٸس-شارا بٸرلٸك, ساباقتاستىق جەنە رۋحاني جاڭعىرۋ قۇندىلىقتارىن دەرٸپتەيدٸ. باعدارلامادا ۇلتتىق ويىندار, كونتسەرتتٸك قويىلىمدار, قولٶنەر كٶرمەلەرٸ, سونداي-اق كيٸز ٷيلەردە دەستٷرلٸ تاعامدار ۇسىنىلادى. مەرەكەنٸڭ باستى رەسٸمٸ – جاڭا ٶمٸرلٸك كەزەڭنٸڭ باستالۋىن جەنە قوعامنىڭ توپتاسۋىن بٸلدٸرەتٸن بٸرلٸك وتىن جاعۋ دەستٷرٸ. ٶتەتٸن كٷنٸ: 2026 جىلعى 13 ناۋرىز.
سونىمەن قاتار ناۋرىز ايىندا شىمكەنت قالاسى ەكٸمدٸگٸنٸڭ ۇيىمداستىرۋىمەن قالادا «داستارحان» گاسترونومييالىق فەستيۆالٸ ٶتەدٸ. فەستيۆال گاسترونومييالىق تۋريزمدٸ دامىتۋعا, جەرگٸلٸكتٸ قوعامدىق تاماقتانۋ ورىندارىن قولداۋعا جەنە ٶڭٸردٸڭ گاسترونومييالىق ٶزٸندٸك ەرەكشەلٸگٸن ناسيحاتتاۋعا باعىتتالعان. باعدارلاما اياسىندا تاعامداردان دەم تاتۋ, اسپاز شەبەرلەرٸنٸڭ شەبەرلٸك ساباعى, بايقاۋلار مەن مەدەني-ويىن-ساۋىق ٸس-شارالارى ٶتكٸزٸلەدٸ. بۇل بيزنەس ٶكٸلدەرٸ مەن قالا قوناقتارىنىڭ ٶزارا بايلانىسىن نىعايتاتىن اشىق الاڭ قالىپتاستىرادى. ٶتەتٸن كٷنٸ: 2026 جىلعى 21 ناۋرىز.
ايتا كەتەيٸك, بۇعان دەيٸن تۋريزم جەنە سپورت مينيسترلٸگٸ 2026 جىلعا ارنالعان مەدەني-تۋريستٸك ٸس-شارالار كٷنتٸزبەسٸن دايىنداعان بولاتىن. وندا ەل بويىنشا 55 ٸرٸ ٸس-شارا قامتىلعان. كٷنتٸزبە مەدەني, ەتنومەدەني, سپورتتىق, گاسترونومييالىق جەنە ەكولوگييالىق ٸس-شارالاردى قامتىپ, ٸشكٸ تۋريزمدٸ ىنتالاندىرۋعا, تۋريستٸك مارشرۋتتاردى كەڭەيتۋگە جەنە ٶڭٸرلٸك برەندتەردٸ ناسيحاتتاۋعا باعىتتالعان.
