Foto: Egemen.kz
Qazaqstanda týristik maýsym biylǵy naýryzda eldiń mádeni-týristik oqiǵalar kúntizbesine engen eki mańyzdy is-sharamen ashylady. Bul is-sharalar óńirlerdiń mádeni jáne gastronomiialyq bailyǵyn tanystyryp, el turǵyndary men qonaqtary úshin tartymdy ortalyqqa ainalady, dep habarlaidy Ult.kz.
Negizgi is-sharalardyń biri – Mańǵystaý oblysy ákimdigi uiymdastyratyn «Amal keldi – jyl keldi» mádeni merekesi. Mereke dástúr boiynsha Naýryz meiramynan bir kún buryn Otpan taý kieli kesheniniń aýmaǵynda ótedi. Is-shara birlik, sabaqtastyq jáne rýhani jańǵyrý qundylyqtaryn dáripteidi. Baǵdarlamada ulttyq oiyndar, kontserttik qoiylymdar, qolóner kórmeleri, sondai-aq kiiz úilerde dástúrli taǵamdar usynylady. Merekeniń basty rásimi – jańa ómirlik kezeńniń bastalýyn jáne qoǵamnyń toptasýyn bildiretin birlik otyn jaǵý dástúri. Ótetin kúni: 2026 jylǵy 13 naýryz.
Sonymen qatar naýryz aiynda Shymkent qalasy ákimdiginiń uiymdastyrýymen qalada «Dastarhan» gastronomiialyq festivali ótedi. Festival gastronomiialyq týrizmdi damytýǵa, jergilikti qoǵamdyq tamaqtaný oryndaryn qoldaýǵa jáne óńirdiń gastronomiialyq ózindik ereksheligin nasihattaýǵa baǵyttalǵan. Baǵdarlama aiasynda taǵamdardan dám tatý, aspaz sheberleriniń sheberlik sabaǵy, baiqaýlar men mádeni-oiyn-saýyq is-sharalary ótkiziledi. Bul biznes ókilderi men qala qonaqtarynyń ózara bailanysyn nyǵaitatyn ashyq alań qalyptastyrady. Ótetin kúni: 2026 jylǵy 21 naýryz.
Aita keteiik, buǵan deiin Týrizm jáne sport ministrligi 2026 jylǵa arnalǵan mádeni-týristik is-sharalar kúntizbesin daiyndaǵan bolatyn. Onda el boiynsha 55 iri is-shara qamtylǵan. Kúntizbe mádeni, etnomádeni, sporttyq, gastronomiialyq jáne ekologiialyq is-sharalardy qamtyp, ishki týrizmdi yntalandyrýǵa, týristik marshrýttardy keńeitýge jáne óńirlik brendterdi nasihattaýǵa baǵyttalǵan.
