نۇرسۇلتان نازارباەۆ «ەزٸرەت سۇلتان» تاريحي-مەدەني قورىعىنىڭ اۋماعىندا ورنالاسقان ينتەراكتيۆتٸ ەتنواۋىلعا باردى, دەپ حابارلايدى Elbasy.kz سايتى.
ەلباسى ەتنواۋىلداعى قولٶنەرشٸلەر كٶشەسٸن ارالادى. قولٶنەرشٸلەر كٶشەسٸندە اعاش ۇستالارىنىڭ, توقىماشىلار مەن كيٸز باسۋشىلاردىڭ, قىش بۇيىم جاسايتىن شەبەرلەردٸڭ, زەرگەرلەردٸڭ, تاس قاشاۋشىلاردىڭ 5 تٷرلٸ تاقىرىپتىق شەبەرحاناسى قامتىلعان. نۇرسۇلتان نازارباەۆ ەتنواۋىلداعى كٶشپەندٸلەر اسحاناسىن دا تاماشالادى.
جاڭا نىسان 18 عاسىردان كٶرٸنٸس بەرەتٸن كەشەن احمەت ياساۋي كەسەنەسٸنٸڭ جانىندا ورنالاسقان.
ەتنواۋىل قازاق دالاسىنىڭ XVIII-XIX عاسىرداعى ٶمٸرٸن بەينەلەيتٸن جوبا سانالادى. «ەزٸرەت سۇلتان» مەدەني قورىعىنىڭ بۋفەرلٸك ايماعى مەن احمەت ياساۋي كەسەنەسٸنٸڭ بەكٸنٸس قابىرعاسى, ەتنوگرافييالىق مۇراجايدىڭ ورتاسىندا ورىن تەپكەن. ينتەراكتيۆتٸ ەتنو-اۋىلدىڭ اۋدانى 16 مىڭ شارشى مەتردٸ قۇرايدى. كەسەنەگە كەلۋشٸلەر قازاق حالقىنىڭ باي مەدەنيەتٸمەن تانىسىپ, تٸپتٸ كٶنە زاتتاردى قولدارىمەن ۇستاي الادى. كٶشپەدٸلەر ٶركەنيەتٸنەن كٶرٸنٸس بەرەتٸن ەتنواۋىلدىڭ ايماعىندا قازاق دالاسىنداعى تۇتاس بٸر دەۋٸر بەينەلەنگەن.
