2018 جىلعى 2-شٸ توقساندا ەلدٸڭ سىرتقى بورىشى 2,2 ملرد. اقش دوللارىنا قىسقارعان, دەپ حابارلايدى "ۇلت اقپارات" ۇلتتىق بانكتٸڭ باسپاسٶز قىزمەتٸنە سٸلتەمە جاساپ.
"ازايۋ تٶلەم بالانسىنىڭ وپەراتسييالارى ەسەبٸنەن (قىتايدىڭ ٷلەستەس ۇيىمدارىنان جەنە قارجىلىق ۇيىمدار سينديكاتتارىنان تارتىلعان سىرتقى قارىزداردى ٶتەۋ, شەتەل ينۆەستورلارىنىڭ ۇلتتىق بانكتٸڭ قىسقا مەرزٸمدٸ نوتالارىنا سۇرانىسىنىڭ ازايۋى), سونىمەن قاتار وپەراتسييالىق ەمەس ٶزگەرٸستەر (قازاقستاندىق ەميتەنتتەردٸڭ بورىشتىق باعالى قاعازدارىنىڭ نارىقتىق قۇنىنىڭ تٶمەندەۋٸ, تەرٸس باعام ايىرماسى) ەسەبٸنەن بولدى" دەلٸنگەن حابارلامادا.
2018 جىلعى 1 شٸلدەدەگٸ جاعداي بويىنشا قازاقستان رەسپۋبليكاسىنىڭ سىرتقى قارىزى 164,4 ملرد. اقش دوللارى بولعان. بۇل ٸجٶ-گە قاتىناسى جىل باسىنان بەرٸ 6,3%-عا جاقسارىپ, 96,3%-دى قۇراعان.
سىرتقى قارىزدىڭ 63,0%-ىن بۇرىنعىسىنشا فيرماارالىق بەرەشەك, 26,1% بايلانىستى ەمەس كرەديتورلار الدىنداعى «باسقا سەكتورلاردىڭ» سىرتقى بورىشى, 7,2% مەملەكەتتٸك سىرتقى بورىش (ٷكٸمەت پەن ۇلتتىق بانك), 3,7% - «بانكتەر» سەكتورىنىڭ سىرتقى مٸندەتتەمەلەرٸ (ەدب جەنە «قازاقستاننىڭ دامۋ بانكٸ» اق) الىپ وتىر.
"تالدامالىق ماقساتتا سىرتقى بورىش قۇرىلىمىندا 2018 جىلعى 1 شٸلدەدە 26,5 ملرد. اقش دوللاردى قۇرعان مەملەكەت باقىلايتىن ۇيىمداردىڭ سىرتقى بورىشى (مەملەكەتتٸك سەكتور كاپيتالىنا 50%-دان استام تٸكەلەي نەمەسە جاناما قاتىساتىن بانكتەر مەن ۇيىمدار) جەكە كٶرٸنەدٸ. 2018 جىلعى 2-توقساندا 0,6 ملرد. اقش دوللارىنا ازايۋ «سامۇرىق-قازىنا» ۇەق» اق-تىڭ «كمگ كاشاگان ب.ۆ.» قومپانيياسىندا 50% قاتىسۋ ٷلەسٸن ساتىپ الۋ ٷشٸن 2015 جىلى تارتىلعان قارىزىن مەرزٸمٸنەن بۇرىن ٶتەۋٸ, سونداي-اق كۆازيمەملەكەتتٸك ەميتەنتتەردٸڭ ەۋرووبليگاتسييالارىنىڭ نارىقتىق قۇنىنىڭ تٶمەندەۋٸ ەسەبٸنەن بولدى" دەيدٸ باسپاسٶز ٶكٸلدەرٸ.
