قازاقستان پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ شۆەيتساريياعا جۇمىس ساپارى بارىسىندا بۇۇ-نىڭ جەنەۆا بٶلٸمشەسٸندە بولدى, دەپ حابارلايدى "ۇلت اقپارات" سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ونىڭ بۇۇ ادام قۇقىقتارى جٶنٸندەگٸ جوعارعى كوميسسارىنىڭ ورىنباسارى نادا ەل-ناشيف جەنە ادام قۇقىقتارى جٶنٸندەگٸ كەڭەستٸڭ قازٸرگٸ تٶراعاسى - ارگەنتينانىڭ بۇۇ بٶلٸمشەسٸ جانىنداعى تۇراقتى ٶكٸلٸ فەدەريكو ۆيلەگاسپەن كەزدەسۋلەرٸ ٶتتٸ.
م.تٸلەۋبەردٸ بۇۇ ادام قۇقىقتارى جٶنٸندەگٸ جوعارعى كوميسسارىنىڭ باسقارماسىمەن (اقجكب) ٶزارا ٸس-قيمىل قازاقستان ٷشٸن بۇۇ جٷيەسٸ ۇيىمدارىمەن ىنتىماقتاستىقتىڭ نەگٸزگٸ باعىتتارىنىڭ بٸرٸ بولىپ تابىلاتىنىن اتاپ ٶتتٸ.
قازاقستان اقجكب-نى ادام قۇقىقتارىن ساقتاۋ جەنە قورعاۋ سالاسىندا جاھاندىق, ٶڭٸرلٸك جەنە ۇلتتىق دەڭگەيلەردە بۇۇ قۇندىلىقتارى مەن ماقساتتارىن قورعاۋ جٶنٸندەگٸ قىزمەتتٸ جٷزەگە اسىراتىن جەتەكشٸ حالىقارالىق اگەنتتٸك رەتٸندە قاراستىرادى.
وسىعان بايلانىستى, قازاقستاندىق تاراپ اقجكب-نٸڭ ادام قۇقىقتارى سالاسىندا جٷرگٸزٸپ جاتقان قىزمەتٸن جوعارى باعالاي جەنە قولداي وتىرىپ, ٶزٸنٸڭ بۇۇ ادام قۇقىقتارى جٶنٸندەگٸ كەڭەسٸنە 2022-2024 جىلدارعا مٷشەلٸگٸنٸڭ باسىمدىعىن جەنە بۇۇ اقك باسقا قاتىسۋشىلارىمەن ٸس-قيمىلداردى ٷيلەستٸرۋدٸ اتاپ ٶتتٸ.
سونداي-اق, مينيستر قازاقستانداعى سوڭعى وقيعالاردىڭ سەبەپتەرٸ مەن سالدارى, سونداي-اق حالىقتىڭ قاۋٸپسٸزدٸگٸن قامتاماسىز ەتۋ جەنە ەلدەگٸ قالىپتى تٸرشٸلٸك ەرەكەتٸن قالپىنا كەلتٸرۋ بويىنشا مەملەكەت قابىلداپ جاتقان شارالار تۋرالى حاباردار ەتتٸ. قازاقستان بيلٸگٸ مۇقييات جەنە تولىققاندى تەرگەۋ جٷرگٸزٸپ, ونىڭ نەتيجەلەرٸ ەلەمدٸك قوعامداستىققا ۇسىنىلاتىندىعى اتاپ ٶتٸلدٸ.
كەلٸسسٶزدەر بارىسىندا قازاقستاننىڭ ادام قۇقىقتارى مەن زاڭ ٷستەمدٸگٸ سالاسىنداعى ٶزٸنٸڭ حالىقارالىق مٸندەتتەمەلەرٸ مەن ەمبەباپ قاعيداتتارىن ۇستاناتىنى ەرەكشە اتاپ ٶتٸلدٸ.
قازاقستان پرەزيدەنتٸنٸڭ نۇسقاۋلارىنا سەيكەس, ەل ودان ەرٸ ساياسي جاڭعىرتۋ, ەكونوميكانىڭ اشىقتىعى مەن سىبايلاس جەمقورلىققا قارسى كٷرەس باعىتىنان اينىمايدى. جاڭا قازاقستاننىڭ كٷن تەرتٸبٸ قازاقستاندىقتاردىڭ قاۋٸپسٸز ەرٸ ساپالى ٶمٸر سٷرۋ جاعدايلارىن قامتاماسىز ەتۋگە باعىتتالعان.
كەزدەسۋ قورىتىندىسى بويىنشا تاراپتار تۇراقتى بايلانىس ورناتۋعا كەلٸستٸ.
