«قازاقستاننىڭ ەت وداعى» بٸرلەستٸگٸنٸڭ باسشىسى اسىلجان مامىتبەكوۆ تٸرٸ مالدى ەكسپورتتاۋ قويىلعان شەكتەۋگە قاتىستى پٸكٸر بٸلدٸردٸ, دەپ حابارلايدى قازاقپارات.
«مالدى تٸرٸدەي ەكسپورتتاۋعا شەكتەۋ قويۋدىڭ بٸر سەبەبٸ – ٸشكٸ نارىقتا ەتتٸڭ باعاسىن تٶمەندەتۋ تاپسىرماسىن ورىنداۋ. الايدا بۇل جاعداي ٸشكٸ نارىق دەڭگەيٸنە ەشقانداي ىقپال ەتپەيدٸ. ەگەر وسى قۇجات جٷزەگە اسىپ, مالدى تٸرٸدەي ەكسپورتتاۋعا شەكتەۋ قويىلسا, باعا تٶمەندەمەيدٸ, تەك دەلدالداردىڭ تابىسى ارتا تٷسەدٸ», - دەدٸ اسىلجان مامىتبەكوۆ تٸلشٸلەرگە بەرگەن جاۋابىندا.
ونىڭ ايتۋىنشا, ٶتكەن جىلى قازاقستاننان 160 مىڭ باس ٸرٸ قارا شىعارىلعان.
«ەت نارىعى زاڭداستىرىلماعان. كٶپ نەرسە, ونىڭ ٸشٸندە مال بورداقىلاۋ ورىندارى كٶلەڭكەدە قالىپ وتىر. مال يەسٸنەن تۇتىنۋشىعا دەيٸن زەرتتەسەڭٸز, ەتتٸ ساتىپ الىپ, قايتا ساتاتىندار كٶپ. سالىقتىق جٷيە جەتٸلدٸرٸلمەگەن. كٶلەڭكەدە ساۋدا جاساۋدىڭ ىڭعايلىراق بولاتىنى سوندىقتان. ەكسپورتتى شەكتەپ تاستاماي, وسى باعىتتاعى مەسەلەلەردٸڭ بەرٸن رەتكە كەلتٸرۋ كەرەك. مالدىڭ تٸرٸدەي ساتىلىپ كەتۋٸ – ونىڭ باعاسىنا وڭ ەسەرٸن تيگٸزٸپ وتىر. الايدا بۇل جاعداي دٷكەندەگٸ تاۋار باعاسىنا ەشقانداي ەسەر ەتپەيدٸ», - دەدٸ ەت وداعىنىڭ باسشىسى.
اسىلجان مامىتبەكوۆ يمپورتقا قاتىستى پٸكٸرٸن بٸلدٸردٸ.
«يمپورت تۋرالى سٶز قوزعاعاندا اقش, كانادا سەكٸلدٸ مەملەكەتتەر ٶنٸمدٸ ەكسپورتتاعان دەڭگەيدەن كەم يمپورتتامايدى. ول جاقتا يمپورتتالعان ەت قايتا ٶڭدەلەدٸ. ال ٶزٸنٸڭ قىمبات ٶنٸمٸن ول ەلدەر ەكسپورتتاۋدى جولعا قويعان», - دەدٸ اسىلجان مامىتبەكوۆ.
ايتا كەتسەك, جاقىندا عانا قازاقستاندا تٸرٸ مالدىڭ ەكسپورتىنا تىيىم سالىنعان بولاتىن.
