اتموسفەراعا زييان زاتتاردىڭ جارتىسىنان استامى ەلٸمٸزدٸڭ ەكٸ ٶڭٸرٸ - پاۆلودار جەنە قاراعاندى وبلىستارىنداعى كەسٸپورىنداردان شىعادى, - دەپ حابارلايدى Tengrinews.kz تٸلشٸسٸ Energyprom.kz سايتىنا سٸلتەمە جاساپ.
2021 جىلى قازاقستانداعى بارلىق ستاتسيونارلىق لاستاۋشى كٶزدەردەن شىعاتىن زييان زاتتاردىڭ جالپى كٶلەمٸ 34,3 ميلليون توننا بولعان, بۇل 2020 جىلمەن سالىستىرعاندا 3,3 پايىزعا از. 31,9 ميلليون توننا زييان شىعارىندى زالالسىزداندىرىلعان. 2021 جىلى اتموسفەراعا شىققان لاستاۋشى زاتتار كٶلەمٸ 2,4 ميلليون توننا بولعان, بۇل 2020 جىلمەن سالىستىرعاندا 1,4 پايىزعا از.
اتموسفەراعا تاراعان زييان زاتتاردىڭ جارتىسى پاۆلودار (736 مىڭ توننا) جەنە قاراعاندى (569 مىڭ توننا) وبلىستارىنا تيەسٸلٸ. سونداي-اق, اتىراۋ, قوستاناي جەنە اقتٶبە وبلىستارىندا 100 مىڭ توننادان اسا زييان شىعارىندى تٸركەلگەن.
اتموسفەراعا تاراعان 2,4 ميلليون توننا لاستاۋشى زاتتاردىڭ 2,1 ميلليون تونناسى تەك ٶنەركەسٸپ سالاسىنان. شىعارىندىنىڭ ەڭ كٶپ كٶلەمٸ جىلۋ جەنە ەلەكترمەن جابدىقتاۋ سەگمەنتٸندە - 945,2 مىڭ توننا. 728,1 مىڭ تونناسى ٶڭدەۋ ٶنەركەسٸبٸنە تيەسٸلٸ. سۋمەن قامتاماسىز ەتۋ, سونداي-اق قالدىقتاردى جيناۋ, ٶڭدەۋ جەنە كەدەگە جاراتۋدا 47,8 مىڭ توننا شىعارىندى تٸركەلگەن.
ٶنەركەسٸپتەن باسقا كٶلٸك جەنە قويما شارۋاشىلىعى سالاسىنداعى كەسٸپورىنداردان دا اۋاعا زييان زاتتار شىعادى - 114 مىڭ توننا.
2021 جىلى اتموسفەراعا شىققان گاز تەرٸزدٸ جەنە سۇيىق لاستاۋشى زاتتاردىڭ ٷلەسٸ 79,6 پايىز نەمەسە 1,9 ميلليون توننا بولدى. ونىڭ ٸشٸندە كٷكٸرت ديوكسيدٸ - 835,4 مىڭ توننا, كٶمٸرتەگٸ توتىعى - 473,2 مىڭ توننا, ازوت وكسيدٸ - 322 مىڭ توننا, كٶمٸرسۋتەك - 133,2 مىڭ توننا.
