باتىس قازاقستان وبلىسى بٶكەي ورداسى اۋدانىنىڭ سايقىن اۋىلدىق وكرۋگٸندە جيناۋلى تۇرعان 400 توننا شٶپ ٶرتەندٸ. ٶرت 12 ساعاتتا سٶندٸرٸلدٸ, دەپ حابارلايدى جەرگٸلٸكتٸ Sputnik اگەنتتٸگٸ "موي گورود" پورتالىنا سٸلتەمە جاساپ.
ٶرت 13 شٸلدە ساعات 19:00 شاماسىندا شٶپ جيناۋ كەزٸندە باستالعان. ەكٸ مىڭعا جۋىق شٶپ ورامى ٶرتەندٸ.
ٶرتتٸڭ شىعۋىنا نە سەبەپ بولعانى انىقتالىپ جاتىر. قازا بولعاندار مەن زارداپ شەككەندەر جوق. ٶرتتٸ بقو تٶتەنشە جاعداي دەپارتامەنتٸنٸڭ 8 قىزمەتكەرٸ مەن ەرٸكتٸ ٶرت سٶندٸرۋ قۇراماسىنىڭ 8 ادامى سٶندٸردٸ.
ٶرت 14 شٸلدە تاڭەرتەڭ اۋىزدىقتالدى.
12 شٸلدەدە سولتٷستٸك قازاقستان وبلىسى يمانتاۋ اۋىلى ماڭىندا قايىڭ-قاراعاي ورمانى ٶرتەنگەن بولاتىن. الدىن الا مەلٸمەت بويىنشا ٶرت اۋماعى 100 گەكتاردى قۇرادى. ٶرت سٶندٸرۋگە تٸكۇشاق دا قولداندى.
