Batys Qazaqstan oblysy Bókei ordasy aýdanynyń Saiqyn aýyldyq okrýginde jinaýly turǵan 400 tonna shóp órtendi. Órt 12 saǵatta sóndirildi, dep habarlaidy jergilikti Sputnik agenttigi "Moi gorod" portalyna silteme jasap.
Órt 13 shilde saǵat 19:00 shamasynda shóp jinaý kezinde bastalǵan. Eki myńǵa jýyq shóp oramy órtendi.
Órttiń shyǵýyna ne sebep bolǵany anyqtalyp jatyr. Qaza bolǵandar men zardap shekkender joq. Órtti BQO tótenshe jaǵdai departamentiniń 8 qyzmetkeri men erikti órt sóndirý quramasynyń 8 adamy sóndirdi.
Órt 14 shilde tańerteń aýyzdyqtaldy.
12 shildede Soltústik Qazaqstan oblysy Imantaý aýyly mańynda qaiyń-qaraǵai ormany órtengen bolatyn. Aldyn ala málimet boiynsha órt aýmaǵy 100 gektardy qurady. Órt sóndirýge tikushaq da qoldandy.
