حالىقارالىق اۋىر اتلەتيكا فەدەراتسيياسىنىڭ (IWF) پرەزيدەنتٸ توماش ايان AFP اگەنتتٸگٸنە بەرگەن سۇحباتىندا قازاقستاننىڭ ديسكۆاليفيكاتسيياعا ۇشىرايتىنىن مەلٸمدەدٸ, - دەپ حابارلايدى Vesti.kz تٸلشٸسٸ.
بۇعان 2008 جەنە 2012 جىلدارداعى وليمپيادالاردا سپورتشىلاردان الىنعان قان سىنامالارىنىڭ ٸرٸ تەكسەرٸسٸنەن كٶپ ادامنىڭ اعزاسىندا تىيىم سالىنعان زاتتاردىڭ انىقتالۋى سەبەپ بولىپ وتىر ەكەن.
"ريو ويىندارىنان كەيٸن بۇل ەلدەردٸڭ ۇيىمعا مٷشەلٸك ەتۋٸن توقتاتامىز. بۇعان كەپٸل بولا الامىن. بۇل ەلدەر - رەسەي, قازاقستان جەنە بەلارۋس", - دەدٸ ايان.
ونىڭ ايتۋىنشا, ەندٸگٸدە سوڭعى ەكٸ وليمپيادادا ٷش سپورتشىسىنان دوپينگ تابىلعان جاعدايدا بٸر جىلعا ديسكۆاليفيكاتسيياعا ۇشىرايتىن بولىپتى. باستاپقىدا IWF قازاقستان مەن بەلارۋستٸ ريو ويىندارىنا جٸبەرگٸسٸ كەلمەگەن, بٸراق حوك ٶتكەن وليمپيادالارداعى بارلىق الدىڭعى دوپينگ-سىنامالاردى تەكسەرٸپ ٷلگەرمەگەندٸكتەن تىيىم سالا الماعان ەدٸ.
"قايتا جاسالىپ جاتقان ساراپتامالار اياقتالعان جوق. قوسىمشا مەلٸمەت كٷتٸپ وتىرمىز, مٷشەلٸگٸ توقتاتىلاتىن تاعى بٸرنەشە ەل بولادى دەپ ويلاپ وتىرمىن. بٸز اۋىر اتلەتيكانى سپورتتىڭ تازا تٷرٸنە اينالدىرعىمىز كەلەدٸ جەنە ونىڭ بٸر عانا جولى بار - بٸزدٸڭ ەرەجەلەردٸ بۇزاتىن ەلدەرگە تىيىم سالامىز. قاي ەلدٸڭ مٷشەلٸگٸ توقتاتىلاتىنىن قىركٷيەك ايىنىڭ سوڭىندا جارييا ەتەمٸز دەپ ويلايمىن.", - دەدٸ ايان.
اۋىر اتلەتيكا فەدەراتسيياسىنىڭ باسشىسى توكيوداعى وليمپيادادا بۇل سپورت تٷرٸنٸڭ ابىرويى باسقا بولادى دەپ ەسەپتەيدٸ. "بٸز تولىقتاي دوپينگتەن قۇتىلامىز دەپ ايتا المايمىن. بٸراق مەن سەنەمٸن, 2020 جىلعا دەيٸن جاعداي ٶزگەرەدٸ", - دەپ مەلٸمدەدٸ ايان.
