قازاقستاننىڭ رحبق ەسكەرلەرٸ جاڭا ٷلگٸدەگٸ ارنايى تەحنيكالارمەن تولىقتى, دەپ حابارلايدى قورعانىس مينيسترلٸگٸ.
رادياتسييالىق, حيمييالىق جەنە بيولوگييالىق قورعاۋ ەسكەرلەرٸنٸڭ جاراق قۇرامىنا بيولوگييالىق بارلاۋ ماشينالارىنىڭ زاماناۋي كەشەندەرٸ كەلٸپ تٷستٸ.
«قاۋٸپسٸز ەل» ۇلتتىق جوباسىن ٸسكە اسىرۋ اياسىندا قورعانىس مينيسترلٸگٸ قازاقستان ەسكەرٸن تەحنيكالىق مەن جاۋىنگەرلٸك جاراقتاندىرۋ مەسەلەلەرٸن پىسىقتاۋدا. وتاندىق ٷلگٸدەگٸ قارۋ-جاراق ەزٸرلەۋ باسىم باعىت بولىپ تابىلادى.
وتاندىق «وتس NETWORK» كومپانيياسى بيولوگييالىق بارلاۋ كەشەندەرٸن ەزٸرلەپ شىعاردى. ولار ەسكەرلەردٸڭ قاجەتتٸلٸكتەرٸنە قاراي زيياتكەرلٸك اقپاراتتىق تەحنولوگييالاردى قولدانا وتىرىپ جوبالاندى.
بيولوگييالىق سيپاتتاعى تٶتەنشە جاعداي اۋماعىنداعى ارنايى تەحنيكا پاتوگەندەردٸ انىقتاۋ جەنە ولاردى شۇعىل تالداۋ ٷشٸن زەرتحانا جاراعىمەن, جەدەل تٷسٸرٸلٸم جٷرگٸزۋگە قاجەتتٸ شولۋ بەينەكامەراسىمەن جابدىقتالعان. GPS/گلوناسس تەرمينالىنىڭ بيولوگييالىق زاقىمداۋ ايماقتارىنىڭ دەرەكتەرٸن تٸركەۋ جەنە جەرسەرٸكتٸك بايلانىس جٷيەسٸ ارقىلى مەلٸمەتتەردٸ جەدەل بەرۋ مٷمكٸندٸگٸ بار.
قازٸرگٸ ۋاقىتتا موبيلدٸك كەشەندەردٸ جيناقتاۋ مەن جۇمىسقا قابٸلەتتٸلٸگٸن تەكسەرۋ سىناقتارى اياقتالدى. جەكە قۇرام ولاردى پايدالانۋدى وقىپ-ٷيرەندٸ. جۋىردا ارنايى جابدىق ماقساتقا سەيكەس قولدانۋ ٷشٸن ەسكەرلەرگە جٸبەرٸلەدٸ.
