قازٸرگٸ ۋاقىتتا 6 ٶڭٸر, اتاپ ايتقاندا اقمولا, جامبىل, اتىراۋ, باتىس قازاقستان, پاۆلودار وبلىستارى جەنە الماتى قالاسى قىلمىستىق ٸس جٷرگٸزۋدٸڭ ەلەكتروندىق فورماتىنا كٶشتٸ. بۇل تۋرالى AntikorNews باعدارلاماسىندا ايتىلدى, دەپ حابارلايدى قازاقپارات.
«تسيفرلاندىرۋ باعىتتارىنىڭ ٶزەكتٸلٸگٸن ەسكەرە وتىرىپ, اگەنتتٸك سوتقا دەيٸنگٸ تەرگەپ-تەكسەرۋدٸ ەلەكتروندىق فورماتتا جٷرگٸزۋ ٷشٸن جۇمىس ورىندارىن تولىق جاراقتاندىرۋ جەنە ٶڭدەلەتٸن دەرەكتەردٸڭ قاۋٸپسٸزدٸگٸن قامتاماسىز ەتۋ بويىنشا جۇمىستى جەدەلدەتۋدە. قازٸرگٸ ۋاقىتتا 6 ٶڭٸر: اقمولا, جامبىل, اتىراۋ, باتىس قازاقستان, پاۆلودار وبلىستارى جەنە الماتى قالاسى قىلمىستىق ٸس جٷرگٸزۋدٸڭ ەلەكتروندىق فورماتىنا كٶشتٸ», - دەيدٸ
اگەنتتٸك تٶراعاسىنىڭ تسيفرلاندىرۋ مەسەلەلەرٸ بويىنشا كٶمەكشٸسٸ اسلان قۇسايىنوۆ.
وسى جىلدىڭ 7 ايىندا ەلەكتروندى فورماتتا 81 قىلمىستىق ٸس (اتىراۋ – 38, بقو – 13, پاۆلودار – 13, اقمولا – 12, جامبىل – 2, الماتى قالاسى - 3) بويىنشا تەرگەۋ جٷرگٸزٸلدٸ, ونىڭ 36 – سى سوتقا جٸبەرٸلدٸ (بقو - 12, اتىراۋ – 11, پاۆلودار – 9, الماتى قالاسى - 3, اقمولا-1), اقتاۋ نەگٸزدەرٸ بويىنشا 16-سى توقتاتىلدى, قالعاندارى ٶندٸرٸستە.
«مۇنداي فورماتتى پايدالانۋ, ەڭ الدىمەن, قىلمىستىق ٸستەردٸ تەرگەۋ پروتسەسٸندە سىبايلاس جەمقورلىق تەۋەكەلدەرٸن تٶمەندەتۋگە ەسەر ەتەدٸ, ٶيتكەنٸ اشىقتىق پەن اشىقتىق دەڭگەيٸ ارتادى, سونداي-اق دەرەكتەردٸ قورعاۋ بويىنشا قولدانىلاتىن تەحنولوگييالار قىلمىستىق ٸستەگٸ قۇجاتتاردى بۇرمالاۋعا جەنە اۋىستىرۋعا كەدەرگٸ كەلتٸرەدٸ.
بۇل ٶز كەزەگٸندە قىلمىستىق ٸس جٷرگٸزەتٸن ورگاندار قىزمەتكەرلەرٸنٸڭ ەسەپ بەرۋ جاۋاپكەرشٸلٸگٸ مەن تەرتٸبٸن كٷشەيتەدٸ», - دەيدٸ ول.
