فوتو: قر سٸم باسپاسٶز قىزمەتٸ
قازاقستان حالقىنىڭ اتىنان اۋعانستاننىڭ باتىسىنداعى زٸلزالادان زارداپ شەككەن حالىققا گۋمانيتارلىق كٶمەكتٸڭ العاشقى لەگٸن ەكەلگەن ارنايى ۇشاق گەرات ەۋەجايىنا قوندى, دەپ حابارلايدى Kazinform اگەنتتٸگٸ.
گۋمانيتارلىق جٷكتٸ اۋعانستان ازاماتتىق ەۋەجايلار دەپارتامەنتٸنٸڭ باس ديرەكتورى - زٸلزالا سالدارىمەن كٷرەس شتابىنىڭ مٷشەسٸ گاۆرال ابدۋل ساتتار باستاعان توپ قابىلداپ الدى. شتاب مٷشەسٸ قازاقستان يران مەن تٷركييادان كەيٸن ٷشٸنشٸ بولىپ كٶمەك جەتكٸزگەنٸن ايتادى.
«بٸرٸنشٸدەن, وسىناۋ قيىن كٷندە كٶمەك قولىن سوعان دوس پەيٸلدٸ قازاقستاننىڭ حالقىنا, پرەزيدەنت قاسىم-جومارت توقاەۆ مىرزاعا العىس ايتامىز. جٷكتٸ قابىلداپ العاننان كەيٸن ارنايى كوميسسييا ونى قايدا جٶنەلتەتٸنٸن كەڭەسٸپ شەشەدٸ. قازٸر قايتىس بولعان ادامداردى جەرلەپ, زارداپ شەككەندەرگە العاشقى كٶمەك كٶرسەتٸپ ٷلگەردٸك. تاعى زارداپ شەككەندەر انىقتالسا, وعان دا دايىن وتىرمىز. ٶيتكەنٸ, بٷگٸن ساعات 5.00 كەزٸندە قازاقستاندىق قۇتقارۋشىلار جۇمىس ٸستەپ جاتقان اۋماقتا تاعى جەر سٸلكٸندٸ. تاعى دا قازاقستان حالقىنا وسىنداي قيىن كەزدە كٶمەك جٸبەرٸپ جاتقانى ٷشٸن راحمەت ايتامىز», - دەيدٸ شتاب ٶكٸلٸ.
بۇعان دەيٸن حابارلاعانىمىزداي, ۇلتتىق ۇلاننىڭ Y8F200W ۇشاعىنا استانا, الماتى, شىمكەنت قالالارىنان 1200 ادام پانالايتىن 70 شاتىر, جالپى سالماعى 6 توننادان اساتىن دەرٸ-دەرمەك تيەلدٸ. بۇل دەرٸ-دەرمەكتٸڭ تٸزٸمٸ اۋعانستان تاراپى سۇراتقان تٸزبە بويىنشا جاساقتالعان. اتاپ ايتقاندا, ازيتروميتسين, يبۋپروفەن, تسەفتازيديم, پاراتسەتامول سيياقتى ىستىق تٷسٸرەتٸن, قابىنۋعا قارسى پرەپاراتتار مەن انتيبيوتيكتەر جەتكٸزٸلدٸ.
زٸلزالا سالدارىمەن كٷرەس شتابىنىڭ ٶكٸلٸ گارۆال ابدۋل ساتتار گەرات پروۆينتسيياسىنداعى زٸلزالا كەزٸندە قيراندىعا اينالعان 13 ەلدٸ مەكەننٸڭ تۇرعىندارىنا ەلٸ دە شاتىرلار مەن مەديتسينالىق بۇيىمدار, دەرٸ-دەرمەك ٶتە قاجەت ەكەنٸن ايتادى.
ەسكە سالساق, 7 قازاندا اۋعانستاننىڭ باتىسىندا ورنالاسقان گەرات پروۆينتسيياسىنداعى 6,3 بالدىق جەر سٸلكٸنٸسٸنەن 2053 ادام قازا تاۋىپ, 9 مىڭنان استام ادام جاراقات العان.
بۇعان دەيٸن قازاقستاننىڭ اۋعانستانعا گۋمانيتارلىق كٶمەك كٶرسەتەتٸنٸ حابارلانعان ەدٸ.
سونىمەن قاتار اۋعانستانعا ٷيٸندٸ استىندا قالعان ادامداردى قۇتقارۋ ٷشٸن تجم قۇتقارۋشىلارى, سونىڭ ٸشٸندە كينولوگ ماماندار جٸبەرٸلدٸ.
سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆتىڭ ايتۋىنشا, اۋعانستانداعى جەر سٸلكٸنٸسٸنەن قازاقستان ازاماتتارى زارداپ شەككەن جوق.
