قىرعىزستاننىڭ ەكونوميكالىق قىلمىسپەن كٷرەس جٶنٸندەگٸ مەملەكەتتٸك قىزمەتٸ قازاقستاننان قىرعىزستانعا مۇناي ٶنٸمدەرٸن زاڭسىز تاسىمالداۋمەن اينالىسقان قىلمىستىق توپتى انىقتادى, - دەپ حابارلادى ازاتتىقتىڭ قىرعىز قىزمەتٸ.
قۇقىق قورعاۋ قىزمەتكەرلەرٸ شامامەن ٷش شاقىرىم جەرگە كٶمٸلگەن قۇبىر كٷنٸنە 100 توننا مۇناي ٶنٸمٸن قازاقستاننان قىرعىزستانعا زاڭسىز تاسىمالداپ كەلگەن دەپ بولجايدى. جاسىرىن قۇبىر شۋ وبلىسى كەن-بۋلۋن ەلدٸ مەكەنٸندە جٷرگٸزٸلگەن ارنايى شارا كەزٸندە تابىلعان.
"قازٸرگٸ كەزدە ناقتى شىعىن كٶلەمٸ, قىلمىستىق توپ جەتەكشٸلەرٸ مەن وعان قاتىسى بار مەملەكەتتٸك ورگان ٶكٸلدەرٸ انىقتالىپ جاتىر" دەلٸنگەن قىرعىزستاننىڭ ەكونوميكالىق قىلمىسپەن كٷرەس جٶنٸندەگٸ مەملەكەتتٸك قىزمەت تاراتقان حابارلامادا. ۆەدومستۆو دەرەگٸنشە, زاڭسىز ٶنٸمدەردٸ ساقتاعان قويما دا انىقتالعان.
