قازاقستاننان شىعارىلعان تەجٸكستان ازاماتى اتىن ٶزگەرتٸپ, قايتىپ كەلگەن, – دەپ حابارلايدى Polisia.kz.
اتىراۋ وبلىسى پوليتسييا دەپارتامەنتٸ 6-12 جەلتوقسان ارالىعىندا “ميگرانت” جەدەل-پروفيلاكتيكالىق ٸس-شاراسىن ٶتكٸزۋ كەزٸندە قازاقستان رەسپۋبليكاسى اۋماعىنان قوعامدىق ورىندا ماس كٷيدە جٷرگەنٸ ٷشٸن 5 جىلعا شەتتەتٸلگەن شەتەلدٸكتٸ انىقتادى.
تەجٸكستان رەسپۋبليكاسىنىڭ 35 جاستاعى ازاماتى ٶز ەلٸنە بارىپ, جەكە باسىن راستايتىن قۇجاتتارىنداعى اقپاراتتى ٶزگەرتٸپ, قازاقستانعا قايتىپ كەلگەندٸگٸ بەلگٸلٸ بولدى.
– اتالعان فاكتٸ جەدەل-پروفيلاكتيكالىق ٸس-شارا ٶتكٸزۋ كەزٸندە تاكسي جٷرگٸزۋشٸ بولىپ جۇمىس ٸستەپ جٷرگەن تەجٸكستان ازاماتىنىڭ قۇجاتتارىن تەكسەرۋ بارىسىندا انىقتالدى. ۇستالعان شەتەلدٸك ٶز كٸنەسٸن تولىقتاي مويىندادى. قازٸرگٸ تاڭدا ەل شەكاراسىنا زاڭسىز كٸرگەن ەر ادام 30 تەۋلٸككە ەكٸمشٸلٸك قاماۋعا الىندى. ٸس-قۇجاتتار جيناقتالىپ, زاڭدى شەشٸمٸن شىعارۋ ٷشٸن سوتقا جولداناتىن بولادى, – دەدٸ اتىراۋ قالالىق پوليتسييا باسقارماسى كٶشٸ-قون قىزمەتٸ بٶلٸمٸنٸڭ باستىعى قادىربەك ەبٸشوۆ.
