قازاقستانعا بەلارۋستان رەسەي ازاماتىنىڭ تٶلقۇجاتىمەن كٸرمەك بولعان قىرعىزستاندىق ۇستالدى, دەپ حابارلايدى "ۇلت اقپارات" قر ۇقك باسپاسٶز قىزمەتٸنە سٸلتەمە جاساپ.
الماتى شەكارالىق باقىلاۋ وتريادىنىڭ شەكارا ناريادى «مينسك – الماتى» باعىتىمەن ۇشىپ كەلگەن № ۆ2-767 وپك ەۋە رەيسٸن رەسٸمدەۋ بارىسىندا 1990 جىلعى رەسەي ازاماتىنىڭ تٶلقۇجاتىن ۇسىنعان ازامات ۇستالدى. كەيٸن انىقتالعانداي, ۇستالعان ازامات 1993 جىلى تۋعان قىرعىز رەسپۋبليكاسىنىڭ ازاماتى بولىپ شىققان. ول كٶپ ٶتپەي «الماتى-بٸشكەك» باعىتىنداعى كس-109 ەۋە رەيسٸمەن دەپورتاتسييالاندى.
«دەل وسىعان ۇقساس وقيعا قورعاستا دا تٸركەلدٸ. حالىقارالىق شەكارا بويى ىنتىماقتاستىعى ورتالىعىنىڭ اۋماعىنا كٸرۋ ٷشٸن تەكسەرۋگە 1990 جىلعى قازاقستان ازاماتىنىڭ تٶلقۇجاتىن ۇسىنعان ازاماتتىڭ شىندىعىندا 1988 جىلى تۋعان رەسەي ازاماتى ەكەنٸ انىقتالدى. ول پانفيلوۆ اۋداندىق ٸشكٸ ٸستەر بٶلٸمٸنە تاپسىرىلدى», - دەلٸنگەن حابارلامادا.
