قازاقستان گەرمانيياداعى روبەرت كوح ينستيتۋتىندا رەفەرەنتتٸ زەرتتەۋ جٷرگٸزۋ بويىنشا ددسۇ ەۋروپا بيۋروسىمەن كەلٸسٸمگە كەلدٸ, دەپ حابارلايدى قازاقپارات.
ايتا كەتسەك, بۇعان دەيٸن دەنساۋلىق ساقتاۋ مينيسترٸ الەكسەي تسوي ددسۇ-نىڭ ەۋروپالىق بيۋروسى جٷرگٸزگەن تەحنيكالىق كەڭەستٸ ەسەپكە الا وتىرىپ, قازاقستاندا كۆي جاعدايلارىن كودتاۋ مەن تٸركەۋدە حالىقارالىق اۋرۋلار كۆاليفيكاتسيياسىنىڭ جاڭا كودىنا ٶتۋ تۋرالى شەشٸم قابىلدانعانىن حابارلاعان ەدٸ.
«COVID-19 جاعدايلارىن تٸركەۋدٸڭ جاڭا امالىن قولدانۋ جۇقتىرۋى مٷمكٸن پاتسيەنتتەردٸ تٷگەل قامتىپ, ستاتيستيكالىق امال-ەدٸستەردٸڭ اشىقتىعىن قامتاماسىز ەتۋگە مٷمكٸندٸك بەرەدٸ. بٸز ددسۇ-نىڭ كەڭەسٸن تولىق قولدانۋعا دايىنبىز», - دەدٸ الەكسەي تسوي وكق-دا ٶتكەن باسپاسٶز مەسليحاتىندا.
ددسۇ-نىڭ ەۋروپا بيۋروسىنىڭ ساراپشىلارى تەحنيكالىق كەڭەس بارىسىندا قازاقستان ددسۇ زەرتحاناسىندا گەرمانيياداعى روبەرت كوح ينستيتۋتىندا رەفەرەنتتٸ زەرتتەۋ جٷرگٸزۋ بويىنشا ددسۇ ەۋروپا بيۋروسىمەن كەلٸسٸمگە كەلگەن.
«بۇل كوروناۆيرۋس پاندەميياسىنا قارسى كٷرەستە بٸزدٸڭ مەملەكەت اشىق ساياسات جٷرگٸزەتٸنٸن كٶرسەتەدٸ. بٸز ددسۇ كەڭەسٸن باسقا مەملەكەتتەر دە قولدانادى دەگەن ٷمٸتتەمٸز», - دەدٸ ول.
