Qazaqstan Germaniiadaǵy Robert Koh institýtynda referentti zertteý júrgizý boiynsha DDSU Eýropa biýrosymen kelisimge keldi, dep habarlaidy QazAqparat.
Aita ketsek, buǵan deiin Densaýlyq saqtaý ministri Aleksei Tsoi DDSU-nyń Eýropalyq biýrosy júrgizgen tehnikalyq keńesti esepke ala otyryp, Qazaqstanda KVI jaǵdailaryn kodtaý men tirkeýde halyqaralyq aýrýlar kvalifikatsiiasynyń jańa kodyna ótý týraly sheshim qabyldanǵanyn habarlaǵan edi.
«COVID-19 jaǵdailaryn tirkeýdiń jańa amalyn qoldaný juqtyrýy múmkin patsientterdi túgel qamtyp, statistikalyq amal-ádisterdiń ashyqtyǵyn qamtamasyz etýge múmkindik beredi. Biz DDSU-nyń keńesin tolyq qoldanýǵa daiynbyz», - dedi Aleksei Tsoi OKQ-da ótken baspasóz máslihatynda.
DDSU-nyń Eýropa biýrosynyń sarapshylary tehnikalyq keńes barysynda Qazaqstan DDSU zerthanasynda Germaniiadaǵy Robert Koh institýtynda referentti zertteý júrgizý boiynsha DDSU Eýropa biýrosymen kelisimge kelgen.
«Bul koronavirýs pandemiiasyna qarsy kúreste bizdiń memleket ashyq saiasat júrgizetinin kórsetedi. Biz DDSU keńesin basqa memleketter de qoldanady degen úmittemiz», - dedi ol.
