قر باس مەملەكەتتٸك سانيتار دەرٸگەرٸ ايجان ەسماعامبەتوۆا قازاقستانعا كەلەتٸن شەتەل ازاماتتارىنا قانداي تالاپتار قويىلاتىنىن ايتتى, دەپ حابارلايدى قازاقپارات.
ا.ەسماعامبەتوۆا ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا شەتەلمەن ەۋە بايلانىسىن جانداندىرۋ كوميسسييادا مٸندەتتٸ تٷردە قارالاتىنىن جەتكٸزدٸ. سەيكەسٸنشە, شەتەل ازاماتتارىنىڭ كەلۋٸنە رۇقسات بەرۋدٸڭ تيٸستٸ ٶلشەمدەرٸ دايىندالعان. وسى ورايدا ٷش ٶلشەم ەسكەرٸلگەن.
«بٸرٸنشٸدەن, ەپيدەميولوگييالىق جاعداي (جولاۋشى كەلەتٸن مەملەكەتتە) بٸزگە قاراعاندا جاقسى بولسا. قازاقستاندا قوعامدىق دەنساۋلىق ساقتاۋ ۇلتتىق ورتالىعى بار. ولار كٷن سايىن ەلٸمٸزدەگٸ جاعدايدى, سونداي-اق تٸكەلەي حالىقارالىق بايلانىس بار باسقا دا مەملەكەتتەردەگٸ ەپيدەميولوگييالىق جاعدايعا مونيتورينگ جٷرگٸزەدٸ. ەگەر دە وسى ەلدەردە كوروناۆيرۋسقا شالدىعۋ بويىنشا ەپيدەميولوگييالىق جاعداي بٸرقاتار كٶرسەتكٸشتەرمەن سيپاتتالسا, وندا بۇل مەملەكەتتەردەن ۇشىپ كەلگەن جولاۋشىلار ەلٸمٸزگە قانداي دا بٸر شەكتەۋسٸز كٸرەدٸ.
ەكٸنشٸدەن, ەپيدەميولوگييالىق جاعداي بٸزدٸڭ ەلٸمٸز دەڭگەيٸندە, ياعني اۋرۋعا شالدىعۋ نەمەسە باسقا كٶرسەتكٸشتەر بويىنشا قازاقستانداعى جاعدايمەن بٸردەي بولسا, وندا ەلگە كەلەتٸن ادام تەرٸس اناليز جٶنٸندە پتر-انىقتامانى ۇسىنۋى كەرەك. انىقتاما مەرزٸمٸ 5 كٷننەن اسپاۋى تيٸس. ەگەر وسى انىقتاما بولماسا, بۇل جولاۋشىنىڭ مەلٸمەتتەرٸ موبيلدٸ قوسىمشاعا ەنگٸزٸلەدٸ. سونىمەن قاتار جولاۋشى ەكٸ تەۋلٸك ٸشٸندە ەل ٸشٸندە پتر-تەستٸدەن ٶتەتٸندٸگٸ تۋرالى قولحاتقا قول قويادى نەمەسە 14 كٷن بويى ٷي كارانتينٸندە وتىرادى.
ٷشٸنشٸ توپقا بٸزدٸڭ ەلگە قاراعاندا ەپيدەميولوگييالىق جاعدايى ناشار مەملەكەتتەر ەنٸپ وتىر. وندا وسى ەلدەرمەن ەۋە بايلانىسىنا تىيىم سالىنادى», - دەدٸ ا. ەسماعامبەتوۆ.
