قازاقستانعا باسقا مەملەكەتتەردەن كوروناۆيرۋس جۇقتىرىپ كەلگەن ازاماتتاردىڭ سانى بٸرشاما ازايدى. بۇل تۋرالى وكق-دا ٶتكەن باسپاسٶز مەسليحاتىندا قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتارلىق دەرٸگەر ەرلان قيياسوۆ مەلٸم ەتتٸ, دەپ حابارلايدى قازاقپارات.
«كوروناۆيرۋس جۇقتىرعانداردىڭ سانى ازايىپ كەلە جاتقان ٶڭٸرلەردە شەكتەۋ شارالارى ەلسٸن-ەلسٸن الىنىپ جاتىر. اتاپ ايتقاندا شىعىس قازاقستاننىڭ «سارى» ايماققا ٶتۋٸنە بايلانىستى وبلىسٸشٸلٸك اۆتوبۋس جەنە باسقا دا جولاۋشىلار كٶلٸگٸ قاتىناسى قالپىنا كەلتٸرٸلدٸ. اپتانىڭ قاي كٷنٸنە قاراماستان اشىق ازىق-تٷلٸك بازارلارىنىڭ جۇمىسىنا رۇقسات بەرٸلدٸ. سونىمەن قاتار تٶرت وبلىستا ويىن-ساۋىق ورتالىقتارىنىڭ جۇمىس رەجيمٸنە ٶزگەرٸستەر ەنگٸزٸلٸپ, ولاردىڭ دەمالىس جەنە مەرەكە كٷندەرٸ جۇمىس ٸستەۋٸنە رۇقسات بەرٸلدٸ. سونىمەن قاتار ازىق-تٷلٸك ساتاتىن جەنە ساتپايتىن باسقا دا بازارلاردىڭ جۇمىسىنان تىيىم الىنىپ تاستالدى. الماتى قالاسىندا جەنە قاراعاندى وبلىسىندا ساۋدا جەنە حالىققا قىزمەت ەتۋ نىساندارىنىڭ جۇمىسىن قايتا باستاۋعا مٷمكٸندٸك بەرٸلدٸ», - دەدٸ باسپاسٶز مەسليحاتىندا قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتارلىق دەرٸگەر ەرلان قيياسوۆ.
ۆيتسە-مينيستردٸڭ ايتۋىنشا, شەكاراداعى سانيتارلىق باقىلاۋ جۇمىسى جٷرگٸزٸلۋدە.
«9 جەلتوقسانعا دەيٸن مەملەكەتتٸك شەكارادا تەكسەرۋ بارىسىندا 635 ادامنىڭ كوروناۆيرۋس جۇقتىرعانى بەلگٸلٸ بولدى. جالپى سىرتتان كوروناۆيرۋس جۇقتىرىپ كەلگەندەردٸڭ سانى ازايىپ بارا جاتقانىن اتاپ ٶتۋ كەرەك. ناقتىراق ايتقاندا مەملەكەتتٸك شەكارادان اۆتوكٶلٸك ارقىلى ٶتكەندەردٸڭ اراسىندا ٸندەت جۇقتىرعانداردىڭ سانى 1,5 ەسە, ەۋە جولاۋشىلاردىڭ اراسىندا 2 ەسە ازايدى», - دەدٸ ول.
