قازاقستان حالقىنىڭ 25 پايىزى PIAAC نەتيجەسٸندە ساۋاتتىلىقتىڭ جوعارى دەڭگەيٸن كٶرسەتتٸ. بۇل تۋرالى «اقپاراتتىق-ساراپتامالىق ورتالىق» اق پرەزيدەنتٸ ەرلان شۋلانوۆ ايتتى, دەپ حابارلايدى قازاقپارات.
«16 مەن 65 جاس ارالىعىندا ەرەسەك حالىقتىڭ داعدىسىن باعالاۋعا نازار اۋدارتقىم كەلەدٸ. PIAAC زەرتتەۋٸ 2018 جىلى جٷرگٸزٸلدٸ. جالپى نەتيجە مىناداي: قازاقستان حالقى تابىسى ۇقساس 39 ەلدٸڭ ٸشٸندە ٷزدٸك نەتيجە كٶرسەتتٸ. بۇل دٷنيەجٷزٸلٸك بانكتٸڭ دامۋشى ەلدەر جٸكتەمەسٸ بويىنشا. بۇل رەتتە كٶپتەگەن پوزيتسييادا بٸز ەۋروپا ىنتىماقتاستىق جەنە دامۋ ۇيىمىنىڭ (ەىدۇ) جەتەكشٸ ەلدەرٸنەن قالىپ كەلەمٸز. ٶلشەم ەل تاريحىندا العاش رەت ٶتكٸزٸلٸپ وتىر. زەرتتەۋ اياسىندا الىنعان مەلٸمەتتەردٸڭ بالاماسى جوق. ٶيتكەنٸ, ٶتە كٶپ ەلدەرمەن سالىستىرۋلار بار. زەرتتەۋ وقۋ ساۋاتتىلىعى, ماتەماتيكالىق ساۋاتتىلىق جەنە جوعارى تەحنولوگييالىق ورتادا تاپسىرمالاردى شەشۋ داعدىلارى بويىنشا جٷرگٸزٸلدٸ. قازاقستاننىڭ بارلىق ٶڭٸرٸنەن تٷرلٸ جاستاعى 6 مىڭ ادام قاتىستى. زەرتتەۋ تەست تاپسىرمالارىن ەلەكتروندى جەنە قاعاز فورماتتا تولتىرۋ ارقىلى جٷرگٸزٸلدٸ», - دەدٸ ەرلان شۋلانوۆ بٸلٸم جەنە عىلىم مينيسترلٸگٸنٸڭ اپپاراتتىق كەڭەسٸ بارىسىندا.
ونىڭ دەرەگٸنشە, وقۋ ساۋاتتىلىعى بويىنشا قازاقستاندىقتاردىڭ كٶرسەتكٸشٸ تٷركييا مەن مەكسيكادان اسىپ تٷسٸپ, يتالييا مەن يسپانييا سىندى ەلدەردٸڭ دەڭگەيٸمەن شامالاس بولعان. ال ماتەماتيكالىق ساۋاتتىلىقتان ەىدۇ-نىڭ ورتاشا كٶرسەتكٸشٸنەن ارتتا قالۋ بايقالادى. دەگەنمەن, قازاقستان 247 بالمەن 31-ورىندا تۇر. بۇل مەكسيكا, يسپانييا, تٷركييا, يتالييا ەلدەرٸنٸڭ كٶرسەتكٸشٸنەن ەلدەقايدا جاقسى جەنە يزرايل دەڭگەيٸمەن شامالاس.
«جوعارى تەحنولوگييالىق ورتادا تاپسىرمالاردى شەشۋ داعدىسى بويىنشا قازاقستاننىڭ كٶرسەتكٸشٸ ەىدۇ-نىڭ ورتاشا دەڭگەيٸنەن ارتتا قالىپ وتىر. بۇل رەتتە بٸز تٷركييا مەن مەكسيكانى باسىپ وزىپ, شىعىس ەۋروپانىڭ بٸرقاتار ەلدەرٸ دەڭگەيٸندەگٸ داعدىنى كٶرسەتٸپ وتىرمىز. كٶرسەتكٸش جامان ەمەس بولعانىمەن سارالايتىن جايتتار دا بار. تىڭعىلىق ساراپتاۋ بارىسىندا حالىقتىڭ 50 پايىزى وقۋ ساۋاتى بويىنشا ورتاشا دەڭگەي, 25 پايىزى جوعارى دەڭگەي كٶرسەتتٸ. حالىقتىڭ شامامەن 25 پايىزىنىڭ كٶرسەتكٸشٸ تىم تٶمەن», - دەدٸ ول.
