فوتو: Tengrinews.kz
اقشانىڭ جوقتىعىنان بٸر كٷن بويى تاماقسىز جٷرۋگە مەجبٷر بولعان قازاقستاندىقتاردىڭ ٷلەسٸ 1,3 پايىزعا دەيٸن ٶستٸ, - دەپ حابارلايدى Tengrinews.kz اگەنتتٸگٸ Energyprom.kz سايتىنا سٸلتەمە جاساپ.
ۇلتتىق ستاتيستيكا بيۋروسى ناۋرىزدا جٷرگٸزگەن "حالىقتىڭ ٶمٸر سٷرۋ ساپاسى" زەرتتەۋٸنٸڭ نەتيجەسٸ بويىنشا اقشانىڭ ازدىعىنان ازىق-تٷلٸك جەتپەي قالادى دەپ قورقاتىن رەسپوندەنتتەر ٷلەسٸ 5,7 پايىز بولعان. ٶتكەن جىلدارمەن سالىستىرعاندا بۇل كٶرسەتكٸش تٶمەندەگەن (2021 جىلى - 6,6 پايىز, 2019 جىلى - 7,1 پايىز). سونىمەن قاتار, بۇل سۇراققا جاۋاپ بەرۋگە قينالعاندار ٷلەسٸ بٸر جىلدا 3-تەن 4 پايىزعا دەيٸن ٶسكەن.
سونىمەن قاتار, كەيٸنگٸ بٸر جىلدا اقشا تاپشىلىعىنا بايلانىستى بٸر كٷن بويى تاماقسىز جٷرۋگە مەجبٷر بولعان رەسپوندەنتتەر ٷلەسٸ بٸر جىلدا 0,5-تەن 1,3 پايىزعا دەيٸن ٶسكەن. رەسپوندەنتتەردٸڭ تاعى 2,6 پايىزى جاۋاپ بەرۋگە قينالعان.
قالادا اۋىلدىق جەرلەرگە قاراعاندا (5,9 پايىز) ازىق-تٷلٸككە قاراجات تاپشىلىعى كٶبٸرەك الاڭداتادى. وعان ەيەلدەر كٶبٸرەك الاڭدايدى - 6,2 پايىز.
قىزمەتكەرلەر اراسىندا رەسپوندەنتتەردٸڭ 5,5 پايىزى اقشانىڭ نەمەسە باسقا رەسۋرستاردىڭ جەتٸسپەۋٸنە بايلانىستى ازىق-تٷلٸك تاپشىلىعىنا الاڭدايدى, ال جۇمىسسىزدار اراسىندا - ەربٸر ونىنشى رەسپوندەنت.
قارجى تاپشىلىعىنان اشتىقتى سەزگەندەر اراسىندا جۇمىسسىزدار باسىم - 4,1 پايىز. جاس توبى بويىنشا 39 بەن 48 جاس ارالىعىندا - جوعارى.
بيىلعى ماۋسىم قورىتىندىسى بويىنشا, ازىق-تٷلٸك باعاسى بٸر ايدا 1,9 پايىزعا ٶسسە, جىل باسىنان بەرٸ بٸردەن 15,7 پايىزعا قىمباتتاعان. 2021 جىلدىڭ ماۋسىمىمەن سالىستىرعاندا ازىق-تٷلٸك باعاسى بٸردەن 19,2 پايىزعا ٶسكەن.
