ەلٸمٸزدە ينتەرنەت ارقىلى الدانىپ جاتقان ازاماتتار ٶتە كٶپ. بۇل تۋرالى حالىققا ەسەپ بەرۋ كەزدەسۋٸندە قر ٸشكٸ ٸستەر مينيسترٸ ەرلان تۇرعىمباەۆ ايتتى, دەپ حابارلايدى قازاقپارات.
«كوروناۆيرۋس پاندەميياسىنا بايلانىستى ينتەرنەت سالاسىنداعى قىلمىستار ارتتى. ونلاين-قىزمەتتەردٸڭ دامۋىنا وراي ينتەرنەتپەن جاسالاتىن الاياقتىق 2 ەسە كٶبەيدٸ. مۇنداي قىلمىستاردىڭ سالدارىنان ازاماتتارعا 67 ملن تەڭگە شىعىن كەلدٸ. وسىعان بايلانىستى, ٸشكٸ ٸستەر مينيسترلٸگٸ كيبەرقىلمىسپەن كٷرەس ورتالىعىنىڭ جۇمىسىن كٷشەيتتٸ. تەك وسى قىلمىستاردى اشاتىن ارنايى توپتار قۇرىلدى. جاۋاپكەرشٸلٸككە 450 ادام تارتىلدى», - دەدٸ مينيستر.
ەرلان تۇرعىمباەۆ ٶزگە مەملەكەتتەرمەن قارىم-قاتىناس جاساپ, الاياقتارمەن كٷرەسۋ ٷشٸن تىعىز جۇمىس ٸستەپ جاتقاندىقتارىن ايتادى.
«ٶيتكەنٸ شەتەلدە جٷرٸپ, ازاماتتاردى الدايتىندار كٶبەيدٸ. وسى جىلدىڭ ٶزٸندە رەسەي, بەلارۋس, ۋكراينا ەلدەرٸنەن قازاقستان ازاماتتارىن الداعان 3 مىڭعا جۋىق فاكتٸ تٸركەلدٸ. ٶكٸنٸشكە وراي, ينتەرنەت ارقىلى الدانىپ جاتقان ازاماتتار ٶتە كٶپ. كٷندەلٸكتٸ تەلەارنا مەن گازەتتەردە, ەلەۋمەتتٸك جەلٸلەردە ساقتىق شارالارى تۋرالى ماتەريالدار بەرٸلۋدە. ونلاين-ساۋدا جاساۋ كەزٸندە ازاماتتار اباي بولۋى قاجەتتٸگٸن ەسكەرتەمٸز. قازٸر ۇلتتىق بانكپەن جەنە ەكٸنشٸ دەڭگەيلٸ بانكتەرمەن تىعىز قارىم-قاتىناس ورناتىپ, ازاماتتاردىڭ جەكە مٷلكٸن قورعاۋ ٷشٸن قادامدار جاسالۋدا», - دەدٸ ول.
