قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ ازاماتتاردىڭ دەربەس دەرەكتەرٸنە قاتىستى قۇقىعىنىڭ بۇزىلۋ فاكتٸلەرٸ بويىنشا تەكسەرۋ جٷرگٸزەدٸ, دەپ حابارلايدى "ۇلت اقپارات".
ازاماتتار جەكە دەرەكتەرٸنٸڭ زاڭسىز جارييا بولۋ فاكتٸلەرٸن انىقتاعان جاعدايدا مينيسترلٸككە حابارلاسىپ, ارنايى تەكسەرۋ جٷرگٸزۋٸن سۇراي الادى. ول ٷشٸن moap@mdai.gov.kz ەلەكتروندى پوشتاسىنا حات جولداپ نەمەسە «ەلەكتروندى ٷكٸمەت» پورتالىنداعى مينيستردٸڭ جەكە بلوگىنا جازۋىنا بولادى.
«ٶتٸنٸش بەرگەن كەزدە ەكٸمشٸلٸك قۇقىق بۇزۋ بەلگٸلەرٸ بويىنشا مەلٸمەتتەر جەتكٸلٸكتٸ بولۋى كەرەك: راستايتىن ماتەريالدار, قۇقىق بۇزۋ سۋبەكتٸسٸ تۋرالى اقپارات جەنە مەرزٸمٸ. انونيم ٶتٸنٸشتەر قارالمايدى. مينيسترلٸك ٶز كەزەگٸندە قۇقىق بۇزۋشىعا قاتىستى تەكسەرۋ جٷرگٸزەدٸ. ەر تەكسەرۋ قر باس پروكۋراتۋراسىنىڭ قۇقىقتىق ستاتيستيكا جەنە ارنايى ەسەپكە الۋ كوميتەتٸندە تٸركەۋدەن ٶتەدٸ جەنە كەسٸپكەرلەردٸڭ قۇقىعىن قورعاۋ ماقساتىندا قر كەسٸپكەرلٸك كودەكسٸنە جەنە قر ەقبك سەيكەس جٷرگٸزٸلەدٸ» دەلٸنگەن حابارالمادا.
فاكت راستالعان جاعدايدا ەكٸمشٸلٸك جازا قولدانۋ تۋرالى شەشٸم شىعادى.
بۇل رەتتە ۋەكٸلەتتٸ ورگان شاعىن بيزنەسكە 2023 جىلعى 1 قاڭتارعا دەيٸن جوسپاردان تىس تەكسەرۋ جٷرگٸزبەۋ تۋرالى موراتورييگە قاراماستان, شاعىن بيزنەس سۋبەكتٸلەرٸنە تەكسەرۋ جٷرگٸزبەي-اق ەكٸمشٸلٸك ٸس قوزعاۋعا قۇقىلى. ەڭ باستىسى, قۇقىق بۇزۋ فاكتٸسٸن راستايتىن قاجەتتٸ ماتەريالداردى تولىق ۇسىنۋ.
ەستەرٸڭٸزگە سالا كەتەيٸك, بيىلعى ماۋسىمدا مەملەكەت باسشىسى «تسيفرلىق تەحنولوگييالاردى رەتتەۋ مەسەلەلەرٸ بويىنشا قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ٶزگەرٸستەر مەن تولىقتىرۋلار ەنگٸزۋ تۋرالى» زاڭعا قول قويعان بولاتىن.
بۇل زاڭدا مينيسترلٸك دەربەس دەرەكتەردٸ قورعاۋ سالاسىنداعى ۋەكٸلەتتٸ ورگان دەپ كٶرسەتٸلگەن.
