QR Tsifrlyq damý, innovatsiialar jáne aeroǵarysh ónerkásibi ministrligi azamattardyń derbes derekterine qatysty quqyǵynyń buzylý faktileri boiynsha tekserý júrgizedi, dep habarlaidy "Ult aqparat".
Azamattar jeke derekteriniń zańsyz jariia bolý faktilerin anyqtaǵan jaǵdaida ministrlikke habarlasyp, arnaiy tekserý júrgizýin surai alady. Ol úshin moap@mdai.gov.kz elektrondy poshtasyna hat joldap nemese «Elektrondy úkimet» portalyndaǵy ministrdiń jeke blogyna jazýyna bolady.
«Ótinish bergen kezde ákimshilik quqyq buzý belgileri boiynsha málimetter jetkilikti bolýy kerek: rastaityn materialdar, quqyq buzý sýbektisi týraly aqparat jáne merzimi. Anonim ótinishter qaralmaidy. Ministrlik óz kezeginde quqyq buzýshyǵa qatysty tekserý júrgizedi. Ár tekserý QR Bas prokýratýrasynyń quqyqtyq statistika jáne arnaiy esepke alý komitetinde tirkeýden ótedi jáne kásipkerlerdiń quqyǵyn qorǵaý maqsatynda QR Kásipkerlik kodeksine jáne QR ÁQBK sáikes júrgiziledi» delingen habaralmada.
Fakt rastalǵan jaǵdaida ákimshilik jaza qoldaný týraly sheshim shyǵady.
Bul rette ýákiletti organ shaǵyn bizneske 2023 jylǵy 1 qańtarǵa deiin jospardan tys tekserý júrgizbeý týraly moratoriige qaramastan, shaǵyn biznes sýbektilerine tekserý júrgizbei-aq ákimshilik is qozǵaýǵa quqyly. Eń bastysy, quqyq buzý faktisin rastaityn qajetti materialdardy tolyq usyný.
Esterińizge sala keteiik, biylǵy maýsymda Memleket basshysy «Tsifrlyq tehnologiialardy retteý máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly» zańǵa qol qoiǵan bolatyn.
Bul zańda ministrlik derbes derekterdi qorǵaý salasyndaǵy ýákiletti organ dep kórsetilgen.
