بيىل ەلٸمٸزدە ٸشكٸ تۋريزمگە قىزىعۋشىلىق ارتاتىن بولادى. بۇل تۋرالى قر مەدەنيەت جەنە سپورت مينيسترلٸگٸ تۋريزم يندۋستريياسى كوميتەتٸنٸڭ تٶراعاسى داستان رىسبەكوۆ ايتتى, دەپ حابارلايدى قازاقپارات.
«بيىل ٸشكٸ تۋريزم سالاسىندا ٷلكەن سۇرانىستىڭ بار ەكەندٸگٸن بايقاپ وتىرمىز. جالپى باعىتتار ٶزگەرە قويمايدى. ولار: الاكٶل, بۋراباي, كاسپيي, قاپشاعاي, الماتىنىڭ تاۋلى كلاستەرٸ. بۇعان قوسا باياناۋىل مەن شالقار, يمانتاۋ كۋرورتتىق ايماقتارىنا قىزىعۋشىلىق ارتىپ كەلەدٸ. تٷركٸستان, تاراز باعىتىندا تاريحي-مەدەني تۋريزمگە دە ايرىقشا قىزىعۋشىلىق بايقالادى. ۇلىتاۋدىڭ دا ەلەۋەتٸ ارتىپ كەلەدٸ», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
سونىمەن قاتار ول بٷگٸنگٸ كٷنٸ جالعىز باعىت بولىپ وتىرعان ٸشكٸ تۋريزمدٸ دامىتۋ ەرٸ قۇتقارىپ قالۋ ٷشٸن تۋريستٸك قىزمەتتەر كٶرسەتەتٸن زاماناۋي ورتالىقتار قۇرۋ تٷرٸندەگٸ جاڭا كەشەندٸ ۇسىنىستار قاجەتتٸگٸن ايتتى.
«مينيسترلٸك «Kazakh Tourism» ۇك» اق-نىڭ جوبالىق كەڭسەسٸ ٶڭٸرلٸك جوبالىق كەڭسەلەر مەن باستاماشىلاردىڭ ۇسىنىستارىن ەسكەرە وتىرىپ, 1,62 ترلن تەڭگە سوماعا تۋريزم سالاسىندا 140 ينۆەستيتسييالىق جوبانىڭ كەڭەيتٸلگەن تٸزبەسٸن ەزٸرلەدٸ», - دەدٸ ول.
