Biyl elimizde ishki týrizmge qyzyǵýshylyq artatyn bolady. Bul týraly QR Mádeniet jáne sport ministrligi Týrizm indýstriiasy komitetiniń tóraǵasy Dastan Rysbekov aitty, dep habarlaidy QazAqparat.
«Biyl ishki týrizm salasynda úlken suranystyń bar ekendigin baiqap otyrmyz. Jalpy baǵyttar ózgere qoimaidy. Olar: Alakól, Býrabai, Kaspii, Qapshaǵai, Almatynyń taýly klasteri. Buǵan qosa Baianaýyl men Shalqar, Imantaý kýrorttyq aimaqtaryna qyzyǵýshylyq artyp keledi. Túrkistan, Taraz baǵytynda tarihi-mádeni týrizmge de airyqsha qyzyǵýshylyq baiqalady. Ulytaýdyń da áleýeti artyp keledi», - dedi ol Ortalyq kommýnikatsiialar qyzmetindegi brifing barysynda.
Sonymen qatar ol búgingi kúni jalǵyz baǵyt bolyp otyrǵan ishki týrizmdi damytý ári qutqaryp qalý úshin týristik qyzmetter kórsetetin zamanaýi ortalyqtar qurý túrindegi jańa keshendi usynystar qajettigin aitty.
«Ministrlik «Kazakh Tourism» UK» AQ-nyń Jobalyq keńsesi Óńirlik jobalyq keńseler men bastamashylardyń usynystaryn eskere otyryp, 1,62 trln teńge somaǵa týrizm salasynda 140 investitsiialyq jobanyń keńeitilgen tizbesin ázirledi», - dedi ol.
