فوتو: elements.envato.com
ەۋروپالىق وداق (ەو) قازاقستان ازاماتتارى ٷشٸن شەنگەن ۆيزاسىن الۋ رەسٸمٸن جەڭٸلدەتۋدٸ جوسپارلاپ وتىر. بۇل تۋرالى ەو-نىڭ قازاقستانداعى ەلشٸسٸ الەشكا سيمكيچ مەلٸمدەدٸ, دەپ حابارلايدى Ult.kz BAQ.KZ.-كە سٸلتەمە جاساپ.
ەو مەن قازاقستان بيلٸگٸنٸڭ ٶكٸلدەرٸ ۆيزالىق رەجيمدٸ جەڭٸلدەتۋ تۋرالى كەلٸسسٶزدەردٸ باستاۋعا دايىن ەكەندٸكتەرٸن راستادى. بۇل كەلٸسسٶزدەر قازاقستاندىقتارعا شەنگەن ۆيزاسىن الۋ پروتسەسٸن جەڭٸلدەتۋگە باعىتتالعان.
"بٸز ۆيزا رەجيمٸن جەڭٸلدەتۋ تۋرالى كەلٸسٸم بويىنشا كٶپ جۇمىس ٸستەپ جاتىرمىز. بۇل دەگەنٸمٸز, قازاقستاندىقتار ەلٸ دە ەۋروپاعا ۆيزا الۋى قاجەت بولادى, بٸراق ونى رەسٸمدەۋ پروتسەسٸ جەڭٸلدەتٸلەدٸ. بۇل بٸراز ۋاقىت الادى, بٸراق بيىل وسى كەلٸسٸم بويىنشا كەلٸسسٶزدەردٸ باستاۋدى جوسپارلاپ وتىرمىز. ەگەر سولاي بولسا, بولاشاقتا ۆيزا الۋ وڭايىراق بولادى", - دەدٸ الەشكا سيمكيچ.
بۇل باستاما قازاقستان مەن ەۋروپا اراسىنداعى ٸسكەرلٸك, بٸلٸم بەرۋ جەنە مەدەني بايلانىستاردى نىعايتۋعا ىقپال ەتەدٸ دەپ كٷتٸلۋدە. قازاقستاندىقتار ٷشٸن شەنگەن ۆيزاسىن الۋ رەسٸمٸنٸڭ جەڭٸلدەۋٸ ولاردىڭ ەۋروپا ەلدەرٸنە ساپارلارىن جەڭٸلدەتٸپ, ىنتىماقتاستىقتى ارتتىرادى.
