Foto: elements.envato.com
Eýropalyq Odaq (EO) Qazaqstan azamattary úshin Shengen vizasyn alý rásimin jeńildetýdi josparlap otyr. Bul týraly EO-nyń Qazaqstandaǵy elshisi Aleshka Simkich málimdedi, dep habarlaidy Ult.kz BAQ.KZ.-ke silteme jasap.
EO men Qazaqstan biliginiń ókilderi vizalyq rejimdi jeńildetý týraly kelissózderdi bastaýǵa daiyn ekendikterin rastady. Bul kelissózder qazaqstandyqtarǵa Shengen vizasyn alý protsesin jeńildetýge baǵyttalǵan.
"Biz viza rejimin jeńildetý týraly kelisim boiynsha kóp jumys istep jatyrmyz. Bul degenimiz, qazaqstandyqtar áli de Eýropaǵa viza alýy qajet bolady, biraq ony rásimdeý protsesi jeńildetiledi. Bul biraz ýaqyt alady, biraq biyl osy kelisim boiynsha kelissózderdi bastaýdy josparlap otyrmyz. Eger solai bolsa, bolashaqta viza alý ońaiyraq bolady", - dedi Aleshka Simkich.
Bul bastama Qazaqstan men Eýropa arasyndaǵy iskerlik, bilim berý jáne mádeni bailanystardy nyǵaitýǵa yqpal etedi dep kútilýde. Qazaqstandyqtar úshin Shengen vizasyn alý rásiminiń jeńildeýi olardyń Eýropa elderine saparlaryn jeńildetip, yntymaqtastyqty arttyrady.
