فوتو:depositphotos.com / MohammadBash
ەكٸ قازاقستاندىق سيريياداعى سوعىس قيمىلدارىنا قاتىسقانى ٷشٸن سوتتالدى, - دەپ حابارلايدى Ult.kz ۇقك باسپاسٶز قىزمەتٸنە سٸلتەمە جاساپ.
ۇلتتىق قاۋٸپسٸزدٸك كوميتەتٸ تەرگەپ-تەكسەرگەن قازاقستاننىڭ 2 ازاماتىنا قاتىستى قىلمىستىق ٸستەر بويىنشا سوت پروتسەستەرٸ اياقتالدى.
"ولار 2020-2022 جىلدارى سيريياداعى تەررورلىق ۇيىمداردىڭ قاتارىندا بولعان. شەتەلدٸك ەرٸپتەستەرمەن بٸرلەسە جٷرگٸزٸلگەن وپەراتسييالاردىڭ نەتيجەسٸندە ولار شەتەلدە تابىلعان, ەلگە جەتكٸزٸلٸپ, قاماۋعا الىندى.
سولاردىڭ بٸرەۋٸ تٷركٸستان وبلىسىنىڭ تۇرعىنى, تەرروريستٸك توپتىڭ ەرەكەتٸنە قاتىسقانى ٷشٸن كٸنەلٸ دەپ تانىلعان (قك 257 بابى). ەكٸنشٸسٸ, اتىراۋ تۇرعىنى, وسىنداي قىلمىستى جاساعانى, سونداي-اق شەتەلدە تەررورلىق دايىندىقتان ٶتكەنٸ ٷشٸن سوتتالعان (قك 260 بابى)", - دەلٸگەن حابارلامادا.
ەكٸ فيگۋرانتقا دا ەرتٷرلٸ جازا ٶتەۋ مەرزٸمٸ تاعايىندالىپ, ٷكٸمدەر زاڭدى كٷشٸنە ەندٸ.
