رەسەيدٸڭ Ozon ەلەكتروندى ساۋدا الاڭىندا قازاقستاندىق ٶندٸرۋشٸلەر ٶنٸمٸن ۇسىنا الاتىن بولدى, دەپ حابارلايدى "ۇلت اقپارات".
بۇل تۋرالى ساۋدا جەنە ينتەگراتسييا مينيسترٸ باقىت سۇلتانوۆ Facebook پاراقشاسىندا جازدى.
«رەسەيلٸك e-commerce الپاۋىتىندا 16 ميلليون تۇراقتى كليەنتتٸڭ بازاسى جەنە 80 ميلليوننان استام اي سايىنعى پايدالانۋشى بار. ماركەتپلەيستە كيٸم مەن تاعامنان باستاپ بالالار ٶنٸمدەرٸ مەن كوسمەتيكاعا دەيٸنگٸ 20 تٷرلٸ ساناتتاعى تاۋارلار ۇسىنىلادى. بۇل, مەنٸڭ ويىمشا, قازاقستاندىق كەسٸپكەرلەر ٷشٸن ٷلكەن نارىق. ەندٸ كەز كەلگەن قازاقستاندىق ٶندٸرۋشٸ وسى ەمبەباپ الاڭدا ٶز تاۋارىن ۇسىنا الادى», - دەپ جازادى مينيستر.
ونىڭ سٶزٸنە قاراعاندا, Ozon-دا بۇعان دەيٸن قازاقستاندىق ٶندٸرۋشٸلەردٸڭ اياق كيٸم ٶنٸمدەرٸ مەن زەرگەرلٸك بۇيىمدارى, اۋىلشارۋاشىلىق ٶنٸمدەرٸ ۇسىنىلىپ كەلگەن.
«بٸراق Wildberries سيياقتى, سايتقا كٸرۋ ٷشٸن بٸزدٸڭ كومپانييالار رەسەي فەدەراتسيياسىنىڭ اۋماعىندا فيليالدار اشۋعا مەجبٷر ەدٸ. بۇل بيزنەس ٷشٸن ٶتە ىڭعايسىز جەنە قىمبات. لوگيستيكانى جەتٸلدٸرۋ جەرگٸلٸكتٸ بيزنەستٸڭ Ozon-عا شىعۋىنا ىقپال ەتتٸ. مامىردان باستاپ بٸزدٸڭ كەسٸپكەرلەر رەسەيگە تاۋارلاردى تٸكەلەي كليەنتكە ٶزدەرٸ نەمەسە ٷشٸنشٸ تاراپ تاسىمالداۋشىلارىنىڭ كٶمەگٸمەن جەتكٸزە الادى. جاقىن ارادا Ozon سونداي-اق قازاقستاندىق بيزنەستٸڭ تاۋارلارىن رەسەيگە تاسىمالدايتىن سەرٸكتەس-لوگيستەردٸڭ تٸزٸمٸن ۇسىنادى. سونداي-اق, قازٸر بٸزدٸڭ تاۋارلاردى كەيٸننەن رەسەي مەن باسقا ٶڭٸرلەرگە جەتكٸزۋ ٷشٸن قويمالاۋ مٷمكٸندٸگٸ پىسىقتالۋدا», -دەپ بٶلٸستٸ باقىت سۇلتانوۆ
Ozon-دا سادۋا جاساعىسى كەلەتٸن قازاقستاندىق ٶندٸرۋشٸلەر مىنا نۇسقاۋلىق بويىنشا تٸركەلە الادى: مۇندا تٶمەندەگٸدەي قىسقا نۇسقاۋلىق بار:
1. seller.ozon.ru. مەكەنايى بويىنشا سايتتا ساتۋشى رەتٸندە تٸركەلۋ;
2. كومپانييانىڭ جارعىلىق قۇجاتتارىن تٸركەۋ جەنە تەكسەرۋدٸ كٷتۋ;
3. نارىقتاعى ۇسىنىستى قابىلداۋ;
4. ٶنٸم كارتالارىن جاساۋ;
5. قويمانىڭ قاي جەردە ورنالاسقانىن, تاۋارلاردى قايدان جەتكٸزەتٸندٸگٸڭٸزدٸ كٶرسەتۋ;
6. Ozon-نان العاشقى تاپسىرىسىڭىزدى كٷتۋ.
ۆەدومستۆو باسشىسىنىڭ ايتۋىنشا, Ozon تۋرالى تولىق اقپاراتتى global.ozon.ru سايتىنان الۋعا بولادى.
