فوتو: Tengrinews.kz/تۇرار قازانعاپوۆ
ەدٸلەت مينيسترٸ قانات مۋسين قازاقستاندىقتار مەجٸلٸس دەپۋتاتتارىنىڭ كەيبٸرٸن تٸكەلەي داۋىس بەرۋ ارقىلى سايلاي الاتىنىن ايتتى, - دەپ حابارلايدى Tengrinews.kz.
سونداي-اق, پرەزيدەنت جولداۋىنا سەيكەس ەلٸمٸزدە دەپۋتاتتاردى سايلاۋ جٷيەسٸ ٶزگەرٸپ جاتقانىن اتاپ ٶتتٸ.
"ەگەر قازٸر مەجٸلٸس دەپۋتاتتارى پارتييالىق نەگٸزدە سايلاناتىن بولسا, ەندٸ دەپۋتاتتاردىڭ 30 پايىزى تٸكەلەي قازاقستاندىقتار سايلايتىن اۋماقتان, ال 70 پايىزى پارتييالىق تٸزٸم بويىنشا سايلاناتىن بولادى", - دەدٸ ول.
مۋسين بٷگٸندە سەنات دەپۋتاتتارىن اۋماقتان حالىق سايلايتىنىن, بٸراق زاڭدا بەلگٸلەنگەن كۆوتاعا سەيكەس ولاردى تٸكەلەي حالىق ەمەس, مەسليحاتتار سايلايتىنىن باسا ايتتى.
"جاڭا ٶزگەرتۋلەر مەجٸلٸسكە سايلانۋعا مٷمكٸندٸك بەرەدٸ, بۇل پارلامەنتتٸڭ تاعى بٸر پالاتاسى, اۋماقتىق سايلاۋ وكرۋگتەرٸنەن 29 دەپۋتات تٸكەلەي حالىقتىڭ سايلاۋى ارقىلى سايلانادى", - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە جۋرناليستەردٸڭ ساۋالدارىنا جاۋاپ بەرٸپ.
ونىڭ ايتۋىنشا, بەلگٸلٸ بٸر اۋماقتان حالىق سايلاعان دەپۋتاتتى ٶز مٸندەتتەرٸ مەن سايلاۋ الدىنداعى ۋەدەلەرٸن ورىنداماعان جاعدايدا سايلاۋشىلار كەرٸ شاقىرىپ الۋى مٷمكٸن, ياعني دەپۋتاتتىق مانداتىنان ايىرىلۋى مٷمكٸن.
"سەناتتى قۇرۋ تەرتٸبٸ دە ٶزگەرٸپ جاتىر. 15 دەپۋتاتتىڭ ورنىنا 10 دەپۋتاتتى پرەزيدەنت تاعايىندايدى, ونىڭ بەسەۋٸن ٶز قالاۋى بويىنشا, 5-ٸن قازاقستان حالقى اسسامبلەياسىنىڭ ۇسىنىسى بويىنشا تاعايىندايدى", - دەپ ەسكە سالدى مينيستر.
