رەسەي استاناسىندا ٶمٸر سٷرٸپ جاتقان وتانداستارىمىز مەسكەۋدەگٸ قىزىل الاڭدا كٷمبٸرلەتە كٷي شەرتتٸ, دەپ حابارلايدى "ۇلت اقپارات" رف-دەگٸ قر ەلشٸلٸگٸنٸڭ رەسمي سايتىنا سٸلتەمە جاساپ.
ەكٸ شەكتٸڭ مەرەكەلٸ ٷنٸن بٷگٸن قازاق دالاسىنىڭ ەر تٷكپٸرٸنەن عانا ەمەس, مەسكەۋدەن دە ەستۋگە بولادى.
رەسەيدە تۇرىپ جاتقان باۋىرلارىمىز ٷشٸن "دومبىرا كٷنٸنٸڭ" ەرەكشە ەكەندٸگٸن بەينەسيۋجەتتەگٸ جٷرەكجاردى تٸلەكتەرٸنەن دە ايقىن اڭعارۋعا بولادى.
ايتا كەتكەن جٶن, شٸلدەنٸڭ العاشقى جەكسەنبٸسٸن ۇلتتىق اسپابىمىزدىڭ تٶل مەرەكەسٸنە اينالدىرۋ تۋرالى شەشٸم قر تۇڭعىش پرەزيدەنتٸ نۇرسۇلتان نازارباەۆتىڭ جارلىعىمەن بىلتىر قابىلدانعان بولاتىن. بۇل جارلىق ۇلتتىق مەدەنيەت پەن بٸرەگەيلٸكتٸ ساقتاۋ مەن قايتا جاڭعىرتۋ يدەياسىنىڭ تٶڭٸرەگٸندە قوعامدى ودان ەرٸ توپتاستىرۋ ماقساتىندا شىعارىلعان ەدٸ. مٸنە بيىل "ۇلتتىق دومبىرا كٷنٸ" مەيرامىن قازاقستان جۇرتشىلىعى ەكٸنشٸ رەت تويلاپ جاتىر.
