فوتو: Mobilaser.com
قازاقستاندا دەربەس دەرەكتەردٸ قورعاۋ جەنە ەلەكتروندىق تسيفرلىق قولتاڭبا (ەتسق) سالاسىنداعى ەكٸمشٸلٸك جاۋاپكەرشٸلٸك ەرەجەلەرٸ كٷشەيتٸلدٸ. جاڭا نورمالار 2025 جىلعى 13 ناۋرىزدان باستاپ كٷشٸنە ەندٸ, دەپ حابارلايدى Ult.kz.
ەندٸ جەكە جەنە زاڭدى تۇلعالاردىڭ دەربەس دەرەكتەردٸ قورعاۋ جەنە ەتسق پايدالانۋ سالالارىنداعى قۇقىق بۇزۋشىلىقتار ٷشٸن ەكٸمشٸلٸك جاۋاپكەرشٸلٸك مەرزٸمٸ ەكٸ ايدان بٸر جىلعا دەيٸن ۇزارتىلدى. سونىمەن قاتار, دەربەس دەرەكتەر تۋرالى زاڭنامانى بۇزعانى ٷشٸن ايىپپۇل كٶلەمٸ ٷش ەسە ۇلعايتىلدى. بۇرىن بۇل ايىپپۇلدار 10-نان 1000 ايلىق ەسەپتٸك كٶرسەتكٸشكە (اەك) دەيٸن بولسا, ەندٸ 30-دان 2000 اەك-كە دەيٸن كٶتەرٸلدٸ.
ەلەكتروندىق قۇجات جەنە ەلەكتروندىق تسيفرلىق قولتاڭبا تۋرالى زاڭدى بۇزاتىندارعا جاڭا جاۋاپكەرشٸلٸك تٷرلەرٸ ەنگٸزٸلدٸ. ەندٸ باسقا ادامنىڭ ەتسق كٸلتٸن زاڭسىز پايدالانعانى ٷشٸن قر ەقبتك-نٸڭ 640-بابى بويىنشا ەكٸمشٸلٸك جاۋاپكەرشٸلٸك قاراستىرىلادى. بۇعان دەيٸن مۇنداي جاۋاپكەرشٸلٸك تەك ەتسق كٸلتٸن ٷشٸنشٸ تۇلعالارعا زاڭسىز بەرگەنٸ ٷشٸن قولدانىلعان ەدٸ. ەندٸ كٸلتتٸ زاڭسىز بەرگەن دە, ونى پايدالانعاندار دا جاۋاپقا تارتىلادى.
بۇل شارالار ازاماتتاردىڭ جەكە دەرەكتەرٸن قورعاۋدى كٷشەيتۋگە, ەتسق پايدالانۋ قاۋٸپسٸزدٸگٸن ارتتىرۋعا جەنە اقپاراتتاندىرۋ سالاسىنداعى الاياقتىقتى ازايتۋعا باعىتتالعان.
