Foto: Mobilaser.com
Qazaqstanda derbes derekterdi qorǵaý jáne elektrondyq tsifrlyq qoltańba (ETsQ) salasyndaǵy ákimshilik jaýapkershilik erejeleri kúsheitildi. Jańa normalar 2025 jylǵy 13 naýryzdan bastap kúshine endi, dep habarlaidy Ult.kz.
Endi jeke jáne zańdy tulǵalardyń derbes derekterdi qorǵaý jáne ETsQ paidalaný salalaryndaǵy quqyq buzýshylyqtar úshin ákimshilik jaýapkershilik merzimi eki aidan bir jylǵa deiin uzartyldy. Sonymen qatar, derbes derekter týraly zańnamany buzǵany úshin aiyppul kólemi úsh ese ulǵaityldy. Buryn bul aiyppuldar 10-nan 1000 ailyq eseptik kórsetkishke (AEK) deiin bolsa, endi 30-dan 2000 AEK-ke deiin kóterildi.
Elektrondyq qujat jáne elektrondyq tsifrlyq qoltańba týraly zańdy buzatyndarǵa jańa jaýapkershilik túrleri engizildi. Endi basqa adamnyń ETsQ kiltin zańsyz paidalanǵany úshin QR ÁQBtK-niń 640-baby boiynsha ákimshilik jaýapkershilik qarastyrylady. Buǵan deiin mundai jaýapkershilik tek ETsQ kiltin úshinshi tulǵalarǵa zańsyz bergeni úshin qoldanylǵan edi. Endi kiltti zańsyz bergen de, ony paidalanǵandar da jaýapqa tartylady.
Bul sharalar azamattardyń jeke derekterin qorǵaýdy kúsheitýge, ETsQ paidalaný qaýipsizdigin arttyrýǵa jáne aqparattandyrý salasyndaǵy alaiaqtyqty azaitýǵa baǵyttalǵan.
